گوگل نیوز پر ہمیں فالو کریںوزیر اعظم پاکستان عمران خان نے پی ٹی آئی کی کور کمیٹی کا اہم اجلاس آج طلب کر لیا ہے جس میں جمعیت علمائے اسلام کے حکومت مخالف مارچ سے نمٹنے کے لیے مختلف تجاویز زیر غور آئیں گی۔
پاکستان تحریک انصاف کی کور کمیٹی کا اجلاس وزیر اعظم کی رہائش گاہ بنی گالہ میں ہوگا جبکہ وفاقی کابینہ اراکین، وزراء اور اراکین اسمبلی کے ساتھ ساتھ پی ٹی آئی کے مرکزی قائدین شریک ہوں گے۔
آج دوپہر 2 بجے بنی گالہ میں 21 رکنی کور کمیٹی وزیر اعظم کے زیر صدارت اجلاس میں شرکت کرے گی جبکہ وزیر دفاع پرویز خٹک مارچ کے حوالے سے اراکین کو بریفنگ دیں گے۔
یہ بھی پڑھیں: رہبر کمیٹی اراکین سے وزیر اعظم کے استعفے کی بات نہیں ہوئی۔پرویز خٹک
کور کمیٹی اجلاس کے دوران فضل الرحمان کے آزادی مارچ سے پیدا ہونے والے مسائل کا حل تلاش کیا جائے گا جبکہ مظاہرین سے نمٹنے کے لیے مشاورت کی جائے گی۔
فضل الرحمان کی طرف سے متوقع معاہدے کی خلاف ورزی پر قانون نافذ کرنے والے اداروں کی کارروائی اور دیگر اہم امور پر بھی غور کیا جائے گا۔
مارچ کے سیاسی حل کے حوالے سے وزیر اعظم کے قوم سے خطاب کی تجویز بھی گفتگو کا حصہ ہوگی جبکہ کور کمیٹی ممبران وزیر اعظم کو آئندہ کے لائحہ عمل کے متعلق مختلف تجاویز دیں گے۔،
یاد رہے کہ اس سے قبل وفاقی وزیر برائے مذہبی امور نور الحق قادری نے کہا کہ آزادی مارچ کے دوران حالات اگر اپوزیشن نے کنٹرول نہ کیے تو حکومت بھی نہیں کرے گی، کوشش ہے مشکل صورتحال پیدا نہ ہو۔
وفاقی دارالحکومت اسلام آباد میں میڈیا نمائندگان سے گفتگو کرتے ہوئے وزیر مذہبی امور نور الحق قادری نے کہا کہ ہم وزیر اعظم عمران خان سے آج ملاقات کریں گے جس میں اہم فیصلے ہوں گے۔
مزید پڑھیں: حالات اپوزیشن نے کنٹرول نہ کیے تو حکومت بھی نہیں کرے گی۔وزیر مذہبی امور
