آٹھویں جماعت کی طالبہ سے اجتماعی زیادتی، 3ملزمان گرفتار

شیخوپورہ: آٹھویں جماعت کی طالبہ کو اغوا کے بعد اجتماعی زیادتی کا نشانہ بنانے والے تینوں ملزمان کو پولیس نے گرفتار کرلیا۔

ذرائع کے مطابق تھانہ سٹی بی ڈویژن کے علاقہ میں یہ واقعہ ایک روز قبل مورخہ 19 فروری کو پیش آیا تھا، پولیس نے وقوعہ کی اطلاع ملنے پر فوری طور پر متاثرہ لڑکی کو بازیاب کرایا اور فوری میڈیکل کروا کر لڑکی کے والد کی درخواست پر مقدمہ درج کیا تھا۔

وقوعہ کے24 گھنٹے کے اندر پولیس نے تینوں ملزمان کو گرفتار کرلیا ہے، ملزمان کی بروقت گرفتاری پر آئی جی پنجاب پولیس نے ایس ایچ او تھانہ سٹی بی ڈویژن اور پولیس اہلکاروں کے لیے کیش انعام اور تعریفی سرٹیفکیٹ دینے کا اعلان کیا ہے۔

مزید پڑھیں: اسلام آباد، بحریہ ٹاؤن کے کالج میں جواں سال لڑکی کی خود کشی کی کوشش

اس کے علاوہ ڈسٹرکٹ پولیس آفیسر شیخوپورہ فیصل مختار کو مقدمہ کی ذاتی طور پر نگرانی کا حکم دیا ہے اور ملزمان کو کیفر کردار تک پہنچانے کے لیے ممکنہ وسائل اور کاوشیں بروے کار لانے کے احکامات دیے ہیں۔