کوئٹہ گلیڈی ایٹرز کے کھلاڑی محمد نواز ایچ بی ایل پی ایس ایل سے باہر

لاہور: ایچ بی ایل پی ایس ایل 7 میں شامل کوئٹہ کے کھلاڑی محمد نواز پاکستان سپر لیگ کے بقیہ میچز سے باہر ہو گئے، گلیڈی ایٹرز کے آل راؤنڈر زخمی ہونے کے باعث بقیہ میچز نہیں کھیل سکیں گے۔

دوسری جانب پاکستان کرکٹ بورڈ نے آسٹریلیا کے خلاف ٹیسٹ اسکواڈ کا اعلان کردیا جس میں محمد نواز بھی شامل ہیں، تاہم آسٹریلیا کے  خلاف ٹیسٹ سیریز میں محمد نواز کی شرکت انجرڈ ہونے کے باعث یقینی نہیں۔

یہ بھی پڑھیں:

پاکستان سپر لیگ 7، ملتان سلطانز کی ٹاس جیت کر لاہور کو بیٹنگ کی دعوت

ترجمان کوئٹہ گلیڈی ایٹرز کا کہنا ہے کہ محمد نواز کے بائیں پاؤں میں فریکچر ہونے کے باعث انہیں پی ایس ایل سے آؤٹ ہونا پڑا۔ پی ایس ایل میچ کے دوران پاؤں پر زور پڑنے کی وجہ سے ہڈی میں فریکچر ہوا۔

کوئٹہ گلیڈی ایٹرز کے ترجمان کے مطابق ٹیم انتظامیہ محمد نواز کا متبادل تلاش کر رہی ہے جس کی درخواست تکنیکی کمیٹی کو دی جائے گی۔ پاکستان اور آسٹریلیا کے مابین پہلا ٹیسٹ میچ آئندہ ماہ 4مارچ سے ہوگا۔ 

خیال رہے کہ قذافی اسٹیڈیم لاہور میں ایچ بی ایل پی ایس ایل 7 کے دوسرے مرحلے کے سنسنی خیز میچز جاری ہیں، ملتان سلطانز نے ٹاس جیت کر لاہور قلندرز کو پہلے بیٹنگ کی دعوت دے دی۔ٹاس شاہین آفریدی اور محمد رضوان کے مابین ہوا۔ 

قومی ٹیم کے بالر شاہین آفریدی آج ہونے والے سپر لیگ 7 کے میچ میں لاہور قلندرز جبکہ محمد رضوان ملتان سلطانز کی قیادت کر رہے ہیں۔ملتان کے کپتان نے ٹاس جیت کر پہلے فیلڈنگ کا فیصلہ کیا۔ لاہور قلندرز کی ٹیم پہلے بیٹنگ کیلئے تیار ہوگئی۔