رینجرز کی کراچی کے مختلف علاقوں میں کاررائیاں ،22ملزمان گرفتار

کراچی : پاکستان رینجرز(سندھ)نے شہر کے مختلف علاقوں میں کارروائی کرتے ہوئے22ملزمان کو گرفتارکرکے غیر قانونی اسلحہ،ایمونیشن،مسروقہ سامان اور منشیات برآمد کرلی ہے۔

زمان ٹاؤن، رضویہ،لیاقت آباد،میر پور،بریگیڈ، کورنگی انڈسٹریل ایریا اور ڈاکس کے علاقوں میں رینجرز نے کارروائی کرتے ہوئے 18 ملزمان عاقب،بلال عرف بلا،محمد شہزاد احمد،محمد عرفان،سید فہدرضا،بیران عرف بہرام،ساداللہ،شہزاد،محمد عبدالرحمان،محمد وقاص،فصیح رمضان،محمد حمزہ، محمد عامر عرف انا، آصف، احسن علی، بلال عرف بِلا، عامر خان اور فیروز خان عرف فیروزی کو گرفتارکیا۔

مزید پڑھیں : کراچی میں کچرا پھینکنے والے 3 افراد سمیت 6 گرفتار، لیاقت آباد سے لاش برآمد

جولوگوں سے لوٹ مارکرنے،غیر قانونی اسلحہ رکھنے، ڈکیتی اور اسٹریٹ کرائم کی متعدد وارداتوں میں ملوث ہیں۔

ادھرگزری اور فیروز آباد کے علاقوں میں رینجرز نے کارروائی کرتے ہوئے 4ملزمان اکبر علی، ملک نوید،محمد ایازعرف گڈو، نور محمد عرف علی کوگرفتار کیا جو علاقے میں منشیات فروشی کے کاروبار میں ملوث ہیں۔

گرفتار ملزمان کے قبضے سے غیر قانونی اسلحہ،ایمونیشن،مسروقہ سامان اور منشیات بھی بر آمدکی گئی ہے اورتمام ملزمان کو قانونی کارروائی کیلئے پولیس کے حوالے کر دیا گیا ہے۔