گوگل نیوز پر ہمیں فالو کریںابوجہ: نائیجیریا کی ریاست جیگاوا میں کشتی ڈوبنے سے 7 بچیاں ڈوب کر لقمہ اجل بن گئیں، جبکہ 3 کو بحفاظت نکال لیا گیا۔
بین الاقوامی خبر رساں ادارے کے مطابق ریاست جیگاوا میں 10 سے 12 برس کی لڑکیاں ایک تقریب میں شرکت کے بعد کشتی میں واپس آتے ہوئے حادثے کا شکار ہوگئیں۔
کشتی میں 10 بچیاں سوار تھیں جن میں سے 7 ڈوب کر جان کی بازی ہار گئیں۔امدادی کاموں کے دوران ریسکیو اداروں نے 3 لڑکیوں کو زندہ بچالیا۔
ریسکیو ذرائع کے مطابق سات بچیوں کی لاشیں نکالی گئی ہیں۔ تاحال حادثے کی وجہ کا تعین نہیں کیا جا سکا ہے۔ انکوائری کمیٹی تشکیل دیدی گئی ہے۔
مزید پڑھیں: انڈونیشیا، کشتی میں سوار 21طلباء دریا میں گر گئے، 11جاں بحق
