گوگل نیوز پر ہمیں فالو کریںلاہور:انگلینڈ کرکٹ بورڈ (ای سی بی)کے چیف ایگزیکٹو ٹام ہیری سن لاہور پہنچ گئے، جہاں ان کی ملاقات چیئرمین پی سی بی رمیز راجہ سے قذافی اسٹیڈیم میں ہوئی۔
پاکستان کرکٹ بورڈ کے اعلامیے کے مطابق ملاقات میں انگلینڈ نے اگلے سال2 اضافی ٹی ٹوئنٹی میچز کھیلنے کی حامی بھر لی ہے، جس کہ بعد آئندہ سال آسٹریلیا میں ہونے والے ٹی ٹوئنٹی ورلڈ کپ سے پہلے پاکستان اور انگلینڈ سات ٹی ٹوئنٹی میچز کھیلیں گے۔
پی سی بی کے جاری کردہ بیان کے مطابق، انگلینڈ کی ٹیم نومبر/دسمبر میں آئی سی سی مینز ٹی ٹوئنٹی ورلڈ کپ آسٹریلیا 2022 کے بعد پاکستان آئے گی اور تین ٹیسٹ کھیلے گی۔
England men’s side to play two additional Twenty20 Internationals in Pakistan in September/October 2022.
Complete details here ➡️ https://t.co/1uXGPBYesY pic.twitter.com/H7cwhzncuZ
— Pakistan Cricket (@TheRealPCB) November 9, 2021
انگلینڈ کرکٹ بورڈ کے چیف ایگزیکٹیو نے کہا کہ انہوں نے ای سی بی کے سینئر ڈائریکٹر مارٹن ڈارلو کے ساتھ پی سی بی کے ساتھ روبرو بات کرنے کے لیے لاہور کا دورہ کیا تاکہ گزشتہ چند ہفتوں کے دوران ہونے والی کچھ چیزوں کے بارے میں بات کی جا سکے، جس کی وجہ سے اکتوبر میں دورہ منسوخ کر دیا گیا۔
انہوں نے کہا کہ ”ہمیں یہ اعلان کرتے ہوئے خوشی ہو رہی ہے کہ ہم ستمبر/اکتوبر 2022 میں اپنی ٹیم کے ہمراہ پاکستان کا دورہ کریں گے اور اضافی ٹی ٹوئنٹی میچز کھیلیں گے۔
دریں اثنا، پی سی بی کے چیئرمین رمیز راجہ نے کہا، ”ای سی بی نے یہاں آنے کے لیے اپنے بڑے دل کا مظاہرہ کیا جس کے لیے میں ٹام اور مارٹن کا شکر گزار ہوں۔ یہ ہمارے لیے بہت معنی رکھتا ہے۔“
مزید پڑھیں: آسٹریلیا کی ٹیم کے دورہ پاکستان کے اعلان پربہت زیادہ خوشی ہے، شین وارن
