گوگل نیوز پر ہمیں فالو کریںمئی 2025 کا مہینہ نیٹ فلکس کے صارفین کے لیے فلموں اور ڈاکیومنٹریز کا ایک نیا اور شاندار سیٹ لے کر آ رہا ہے۔
اس مہینے بھی درجنوں نئی فلمیں اور سیریز نیٹ فلکس پر دستیاب ہوں گی، جن میں دلچسپ اور منفرد کہانیاں پیش کی جائیں گی۔ چاہے آپ کو تھرلر فلمیں پسند ہوں، رومانوی ڈرامے دیکھنے کا شوق ہو یا پھر کچھ دل کو چھو لینے والی مزاحیہ فلمیں درکار ہوں۔
آئیے اس ماہ کی 9 فلموں پر ایک نظر ڈالتے ہیں جو اس ماہ نیٹ فلکس پر ریلیز ہو رہی ہیں ، وٹس آن نیٹ فلکس کے مطابق ان فلموں کا شائقین کو بے صبری سے انتظار ہے۔
پاسٹ لائیوز
ریلیز: 1 مئی 2025
یہ ایک رومانوی ڈرامہ فلم ہے جو دو بچپن کے دوستوں کی کہانی بیان کرتی ہے جو سالوں بعد دوبارہ ملتے ہیں۔ فلم میں وقت، تقدیر اور رشتوں کے گہرے پہلوؤں کو سنجیدگی سے دکھایا گیا ہے۔
نوناز
ریلیز: 9 مئی 2025
یہ مزاحیہ فلم ایک ایسے شخص کی کہانی ہے جو ایک منفرد ریستوران کھولتا ہے جہاں تمام کھانا دادیاں تیار کرتی ہیں۔ فلم کی بنیاد ایک حقیقی زندگی کے کردار پر رکھی گئی ہے اور اس میں خاندانی جذبات، ذاتی قربانیاں اور دل کو چھو لینے والے مناظر شامل ہیں۔
دی میچ
ریلیز: 9 مئی 2025
جنوبی کوریا کی یہ فلم دو گولف کھلاڑیوں کی ہے جو برسوں کی دوستی کے بعد ایک دوسرے کے خلاف میدان میں آتے ہیں۔ فلم دوستی، مسابقت اور ذاتی چیلنجز کے موضوعات پر مبنی ہے۔
اسمائل
ریلیز: 14 مئی 2025
یہ ایک نفسیاتی ہارر فلم ہے جس میں ایک خاتون ڈاکٹر ایک پراسرار اور خوفناک واقعے کے بعد ایسی عجیب اور خوفزدہ کر دینے والی چیزیں دیکھنے لگتی ہے جن کی کوئی منطقی وضاحت نہیں۔ اس کی زندگی خوف میں ڈوبتی چلی جاتی ہے اور وہ اپنے ماضی کا سامنا کرتی ہے تاکہ اپنی جان بچا سکے۔
فیئر اسٹریٹ: پروم کوئین
ریلیز: 23 مئی 2025
یہ ہارر فلم ایک ہائی اسکول کے طلبہ کے گرد گھومتی ہے جہاں پروم کوئین کا مقابلہ ہو رہا ہے لیکن مقابلہ میں شامل لڑکیوں کو ایک ہولناک رات کا سامنا کرنا پڑتا ہے۔ یہ فلم ایک مشہور کتابی سلسلے پر مبنی ہے اور پہلے سے ریلیز شدہ فلموں کی روایات کو جاری رکھتی ہے۔
دی وائلڈ روبوٹ
ریلیز: 24 مئی 2025
یہ اینی میٹڈ فلم ایک روبوٹ کی کہانی ہے جو ایک غیر آباد جزیرے پر پھنس جاتا ہے اور وہاں موجود جانوروں سے دوستی کر کے زندہ رہنے کا طریقہ سیکھتا ہے۔ یہ فلم جذبات، ہمدردی اور فطرت کے ساتھ تعلق کو خوبصورتی سے پیش کرتی ہے۔
پگ
ریلیز: 26 مئی 2025
ایک تنہا شکاری کا پالتو سور اغوا ہو جاتا ہے اور وہ اسے واپس لانے کے لیے شہر کا رخ کرتا ہے۔ یہ فلم خاموش جذبات، یادوں اور قربانی کی منفرد عکاسی کرتی ہے۔
لاسٹ ان اسٹار لائٹ
ریلیز: 30 مئی 2025
جنوبی کوریا کی یہ پہلی اینی میٹڈ فلم نیٹ فلکس پر ریلیز ہو رہی ہے، جو مستقبل میں دو تنہا کرداروں کی کہانی بیان کرتی ہے جو خلا میں ایک دوسرے کو تلاش کرتے ہیں۔ فلم سائنسی تصور، رومان اور فنکارانہ بصریات کا حسین امتزاج ہے۔
لا ویوڈا نیگرا (بیوہ کا کھیل)
ریلیز: 30 مئی 2025
یہ اسپین کی ایک سنجیدہ اور جرائم پر مبنی فلم ہے جو ایک حقیقی واقعے سے متاثر ہو کر بنائی گئی ہے۔ کہانی ایک بیوہ عورت کی ہے جس کے شوہر کی موت کے بعد اس کی زندگی کے خفیہ پہلو سامنے آتے ہیں۔ یہ فلم دھوکہ، فریب اور رازوں سے بھرپور ہے۔
