پاکستان سمیت دُنیا بھر میں یوگا کا عالمی دن آج منایا جارہا ہے جبکہ یوگا ورزش کا ایک ایسا طریقہ ہے جو انسانی صحت کو تازگی بخش احساس عطا کرتا ہے۔
ملک کی بے شمار نامور شخصیات کو یوگا کی ورش کرتے ہوئے دیکھا گیا ہے جسے فنکار برادری بھی خوشی اور صحت و تندرستی سے منسوب کرتی ہے جبکہ شوبز کی بعض نمایاں شخصیات نے یوگا کو اپنی زندگی کا لازمی حصہ بنا لیا ہے۔
ماہرہ خان
فلم انڈسٹری کی معروف اداکارہ ماہرہ خان صحت مند خوراک اور باقاعدہ یوگا کی ورزش پر یقین رکھتی ہیں اور مراقبے کو خوبصورت جسم اور پرسکون ذہن کا ذمہ دار سمجھتی ہیں۔
عائشہ عمر
مشہورومعروف اداکارہ عائشہ عمر ہر روز 30 منٹ پیدل چلنے اور یوگا کو ورک آؤٹ کا مکمل اور کامیاب منصوبہ قرار دیتی ہیں جو انہیں صحت مند رکھ سکتا ہے۔
حرا مانی
ٹی وی سیریلز میں اداکاری کے جوہر دکھانے والی حرا مانی کا کہنا ہے کہ صحت مند خوراک کے ساتھ ساتھ یوگا کی ورزش تندرست زندگی کیلئے بے حد معاون ہے۔
مہوش حیات
پنجاب نہیں جاؤں گی اور چھلاوہ سمیت متعدد پاکستانی فلموں میں اداکاری کرنے والی فنکارہ مہوش حیات کے فٹنس پلان میں یوگا خاص طور پر شامل ہے۔
کم و بیش 42 سالہ اداکارہ ثناء فخر بھی یوگا کی ورزشوں کے ذریعے اپنی صحت کا خاص خیال رکھتی ہیں جن کی یوگا کرتے ہوئے بعض تصاویر سوشل میڈیا پر بھی وائرل ہوئیں۔
عروہ اور ماورا حسین سسٹرز
شوبز انڈسٹری سے تعلق رکھنے والی دونوں اداکار بہنیں عروہ حسین اور ماورا حسین بھی یوگا کی دیوانی ہیں جبکہ دونوں نے صبح سویرے پیدل چلنے کے ساتھ ساتھ ورزش کو بھی معمول بنا رکھا ہے۔
پہلے ماڈلنگ، پھر گلوکاری اور پھر اداکاری تک کا طویل سفر طے کرنے والے فنکار علی ظفر یوگا کے ساتھ ساتھ صحت مندانہ خوراک پر یقین رکھتے ہیں جس کا مقصد عوام کے سامنے چاق و چوبند نظر آنا ہے۔
میشا شفیع
علی ظفر پر ہراسگی کا مقدمہ کرنے والی پاکستانی گلوکارہ میشا شفیع نے یوگا کی دوڑ میں سب کو پیچھے چھوڑ دیا، گلوکارہ نے حال ہی میں یوگا ٹیچر کی حیثیت سے اپنی گریجویشن مکمل کی اور 200 گھنٹوں کی تربیت مکمل کرکے یوگا کی استاد بن چکی ہیں۔
یہ بھی پڑھیں: ہالی ووڈ کے مہنگے ترین اداکار وِل اسمتھ کی خودنوشت نومبرمیں شائع ہوگی