گوگل نیوز پر ہمیں فالو کریںاسلام آباد: آن لائن سروے کی ویب سائٹ گیلپ پاکستان نے انکشاف کیا ہے کہ ملک کے 58 فیصد شہری کورونا وائرس اور لاک ڈاؤن کے باعث بے روزگار ہوسکتے ہیں۔
سماجی رابطے کی ویب سائٹ ٹوئٹر پر اپنے پیغام میں گیلپ پاکستان نے کہا کہ ہر 5 میں سے 3 یعنی 58 فیصد پاکستانی شہریوں کو کورونا وائرس کے باعث بے روزگار ہونے کا خوف لاحق ہے۔
آن لائن سروے کے دوران گیلپ نے پاکستانی شہریوں سے سوال کیا کہ کیا آپ موجودہ صورتحال میں ملازمت کھونے کے خوف میں مبتلا ہیں؟ جس کا 58 فیصد پاکستانیوں نے مثبت جواب دیا۔
سروے کے دوران گیلپ کے سوال پر 58 فیصد پاکستانیوں نے اتفاق کیا کہ انہیں ملازمت سے محروم ہونے کا خوف لاحق ہے جبکہ 16 فیصد پاکستانیوں نے کہا کہ انہیں ایسا کوئی خوف نہیں ہے۔
سوال کا جواب دیتے ہوئے 4 فیصد پاکستانیوں نے کہا کہ ہم اس سے اتفاق یا اختلاف نہیں کرتے جبکہ 22 فیصد پاکستانی شہریوں نے سوال کا کوئی جواب نہ دیتے ہوئے یہ تاثر دیا کہ ہم اِس بارے میں کچھ نہیں کہہ سکتے۔
Nearly 3 in 5 (58%) Pakistanis are afraid of losing their employment due to COVID-19 (Gallup & Gilani Pakistan Weekly Coronavirus Perception Tracker and Dun & Bradstreet)https://t.co/xVZUHUPnSN#unemployment #COVID__19 pic.twitter.com/e4d2LFV1Ed
— Gallup Pakistan (@GallupPak) July 16, 2020
یہ بھی پڑھیں: بے روزگاری کے باعث ذہنی امراض پھیل رہے ہیں۔وسیم اختر
