گوگل نیوز پر ہمیں فالو کریںخوشبوفروشی، عطربنانا اور پرفیوم فروخت کرنا آج کل ایک ایسا کاروبار بن گیا ہے جس کی طرف پاکستان کی نامور شوبز شخصیات خوب توجہ دے رہی ہیں جن میں سے بعض نے ٹی وی اور فلم انڈسٹری کی شہرت اور نام کو کاروبار کیلئے استعمال کیا۔
تفصیلات کے مطابق پاکستان کی نامور خواتین اور مرد فنکار اور اداکار خوشبو فروشی کے کاروبار کی طرف مائل ہورہے ہیں اور ایسی 4شخصیات مندرجہ ذیل ہیں جنہوں نے خوشبوفروشی کیلئے اپنی نئی برانڈ کا آغاز کیا۔
صنم جنگ
پاکستانی اداکارہ صنم جنگ کا نام کسی تعارف کا محتاج نہیں، صنم جنگ فریگرنس کے نام سے انہوں نے اپنی پرفیوم برانڈ کا آغاز کیا ہے جو پاکستان کی پہلی ایسی برانڈ ہے جس کا آغاز کسی خاتون نے کیا۔
View this post on Instagram
صنم جنگ کی پرفیوم برانڈ میں 3 مختلف اقسام دستیاب ہیں جنہیں کرش، ہیونلی ڈیوائن اور مسٹک فال کے نام دئیے گئے ہیں جس کی ایک بوتل کی قیمت 4 ہزار روپے ہے۔ فی الحال صنم جنگ کا یہ پرفیوم صرف پاکستان میں دستیاب ہے۔
فیصل قریشی
مشہورومعروف اداکار فیصل قریشی کو کون نہیں جانتا؟ فلم اور ٹی وی کی دنیا میں نام پیدا کرنے کے بعد فیصل قریشی نے انکاؤنٹر سینٹس کے نام سے اپنی پرفیوم برانڈ کا آغاز کیا ہے۔
View this post on Instagram
فیصل قریشی نے اپنی نئی پرفیوم برانڈ کی پانچ اقسام وضع کی ہیں جن میں کمپلیمنٹ، کونفیڈنس، رومانٹک، سیڈکشن اور اِن دی کلب شامل ہیں۔
ہانیہ عامر
حال ہی میں اداکارہ ہانیہ عامر نے بھی اعلان کیا کہ وہ متنوع اور منفرد قسم کی خوشبوفروشی کا کاروبار شروع کرنے والی ہیں جس کا اُن کے مداح اور خوشبو کے دلدادہ افراد شدت سے انتظار کر رہے ہیں۔
View this post on Instagram
تاحال ہانیہ عامر نے اپنی پرفیوم برانڈ کے نام کے متعلق کوئی بیان جاری نہیں کیا۔ تاہم اپنی ایک انسٹا گرام پوسٹ میں اتنا ضرور کہا کہ میں اپنی خوشبو کی برانڈ شروع کرنے والی ہوں۔
ایمن خان
شوبز کی شوخ ورنگارنگ دنیا میں ایمن خان ایک اور اہم نام ہیں جو ہانیہ عامر کی طرح اپنی نئی پرفیوم برانڈ کے آغاز کا اعلان کرچکی ہیں۔
View this post on Instagram
فوٹو شیئرنگ پلیٹ فارم انسٹا گرام پر معروف اداکارہ نے اپنی پرفیوم برانڈ کا نام ایمن خان بائی کوہاسا بتایا ہے جس پر ان کے مداحوں نے خوشی کا اظہار کیا۔
یہ بھی پڑھیں: ہالی ووڈ فلموں میں مسلمانوں کی کردار کشی کے خلاف کام کررہا ہوں، رز احمد
