کراچی : گلستان سوسائٹی و قائدآباد میں کورونا متاثرین کی تعداد 24 ہوگئی، گلستان سوسائٹی اور چراغ کالونی 2 کو مکمل طور پر لاک ڈاؤن کرنے کی ہدایات جاری کردی گئیں۔
ڈپٹی کمشنر ملیر نے لاانفورسمنٹ فورسز کو محکمہ داخلہ کی جانب سے جاری ہدایات کے مطابق لاک ڈاؤن کی ہدایات دیدی ہے۔
گلستان سوسائٹی سمیت چراغ کالونی 2 سے بھی کورونا کے کیسز رپورٹ ہوئے ہیں۔ ڈپٹی کمشنر ملیرکاکہنا ہے کہ عوام احتیاط کریں اپنی اور دوسروں کی زندگیاں محفوظ بنانے میں اپنا موثر کردار ادا کریں۔
ڈپٹی کمشنر ملیر نے لا انفورسمنٹ فورسز اداروں کو گلستان سوسائیٹی اور چراغ کالونی 2 سے بھی کورونا کے کیسز ظاہر ہونے کے بعد تمام متاثرین کو قرنطینہ میں 15 روز رکھنے کی ہدایت کر دی۔
ڈی سی ملیر نے سندھ سالڈ ویسٹ مینجمنٹ بورڈ کو مذکورہ علاقوں میں جراثیم کش ادویہ کے اسپرے کی ہدایت بھی کر دی ہے۔
مزید پڑھیں:لاہور، چاہ میراں میں کورونا کے 17 نئے کیسزرپورٹ ، 154 مکانات سیل