گوگل نیوز پر ہمیں فالو کریںقصور: دریائے ستلج کے مقام گنڈا سنگھ میں مزید 2 بھارتی نوجوان سیلابی ریلے میں بہہ کر پاکستان آگئے۔
پاکستان رینجرز نے دو نوجوانوں کو گرفتار کیا ہے جن کا تعلق بھارت کے شہر لدھیانہ سے ہے، گرفتار نوجوانوں کی شناخت رتن پال اور ہروندر سنگھ کے نام سے ہوئی ہے۔
رپورٹ کے مطابق گزشتہ روز دونوں نوجوان بہہ کر پاکستان کے علاقے میں داخل ہوگئے تھے، قصور کے رتن گاؤں کے مقامی لوگوں نے دونوں نوجوان کو پکڑ کر پاکستان رینجرز کے حوالے کردیا۔
کراچی کے مختلف علاقوں میں پیٹرول کی قلت، پمپس بند
واضح رہے کہ اس سے قبل بھی ایک شخص سیلابی پانی میں بہہ کر پاکستان آیا تھا جس کی تاحال شناخت نہیں ہوسکی ہے،پولیس کااُس شہری کے حوالے سے کہنا تھا کہ بھارتی شہری سماعت اور گویائی کی قوت سے محروم ہے جسے ایدھی سینٹر منتقل کردیا گیا۔
پولیس کا کہنا تھا کہ اس شخص نے اشاروں میں بتایا کہ وہ بھارتی شہری ہے اور سیلابی ریلے میں بہہ کر پاکستان آیا ہے۔
