گوگل نیوز پر ہمیں فالو کریںہمایوں سعید کا شمار پاکستان کے اُن چند اداکاروں میں ہوتا ہے جن کے مداح ہمیشہ اُن کے ڈراموں کا انتظار کرتے ہیں، اُن کا آخری ڈرامہ میرے پاس تم ہو عوام میں بہت مقبول ہوا تھا۔
کچھ عرصے قبل یہ خبر سامنے آئی تھی کہ اداکار ہمایوں سعید جلد ہی خلیل الرحمان قمر کے لکھے ہوئے ڈرامے ’میں منٹو نہیں ہوں‘ میں نظر آئینگے، جس کی ہدایات ندیم بیگ نے دی ہیں لیکن ڈرامہ مختلف وجوہات کی وجہ سے تعطل کا شکار ہے۔
ڈرامے کی مرکزی اداکارہ کے حوالے سے یہ خبریں آرہی تھیں کہ اس میں مایا علی اور مہوش حیات ہونگی لیکن کسی خبر کی تصدیق نہیں ہوسکی تھی۔
ناظرین تیرے بن کی حالیہ قسط سے ایک بار پھر مایوس
گزشتہ روز خلیل الرحمان قمر نے ایک ٹی وی پروگرام میں اپنے آئندہ ڈرامے کے مرکزی اداکروں کے ناموں سے پردہ اٹھاتے ہوئے بتایا کہ ڈرامے ’میں منٹو نہیں ہوں‘ میں ہمایوں سعید مرکزی کردار کریں گے۔
پروگرام کے میزبان واسع چوہدری نے جب ان سے مرکزی اداکارہ کے بارے میں پوچھا تو خلیل الرحمٰن قمر نے خوش اسلوبی سے جواب دیتے ہوئے کہا کہ پروڈکشن والوں نے مجھے ابھی سجل علی کا نام لینے سے منع کیا ہوا ہے۔
