میانمارفوج عوام پر ظلم سے باز رہے،جدید دور میں بغاوت کی کوئی جگہ نہیں۔اقوامِ متحدہ

جنیوا: اقوامِ متحدہ نے میانمار میں عوامی احتجاج کی حمایت کرتے ہوئے کہا ہے کہ فوج عوام پر ظلم سے باز رہے جبکہ جدید دور میں بغاوت کی کوئی جگہ نہیں ہے۔

سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ میں میانمار کی فوج سے مطالبہ کرتا ہوں کہ فوری طور پر عوام پر ظلم و جبر کو روک دے۔

پیغام میں اقوامِ متحدہ کے جنرل سیکریٹری نے میانمار فوج سے قیدیوں کی رہائی کا مطالبہ کرتے ہوئے کہا کہ تشدد بند کیا جائے، فوج انسانی حقوق کا احترام کرے اور حالیہ انتخابات میں عوامی رائے کا احترام کیا جائے۔

انتخابات میں عوام کی طرف سے ڈالے گئے ووٹوں کی عزت کرنے کی ہدایت کرتے ہوئے اقوامِ متحدہ کے جنرل سیکریٹری نے میانمار فوج کے نام اپنے پیغام میں کہا کہ ہماری جدید دنیا میں جمہوری حکومت کے خلاف بغاوت کی کوئی جگہ نہیں ہے۔ 

I call on the Myanmar military to stop the repression immediately.

Release the prisoners. End the violence. Respect human rights, and the will of the people expressed in recent elections.

Coups have no place in our modern world.

— António Guterres (@antonioguterres) February 23, 2021

یاد رہے کہ اِس سے قبل میانمار میں فوجی بغاوت کیخلاف عوام کی طرف سے احتجاج کا سلسلہ جاری رہا، یورپی یونین نے میانمار پر پابندیاں عائد کرنے کا ارادہ ظاہرکردیاجبکہ امریکا نے فوجی بغاوت سے منسلک دو مزید جرنیلوں پر جرمانہ عائد کیا۔

میانمار میں منتخب رہنما آنگ سان سوچی کی رہائی ا ور فوجی بغاوت کیخلاف مظاہروں میں مزید شدت آگئی جبکہ مغربی ممالک بھی فوجی بغاوت کیخلاف شدید ردعمل کا مظاہرہ کررہے ہیں۔

مزید پڑھیں: بغاوت کیخلاف عوام کااحتجاج جاری، 2جرنیلوں پر جرمانہ، اثاثے منجمد