گوگل نیوز پر ہمیں فالو کریںکراچی: پاکستانی روپے کے مقابلے میں امریکی ڈالر کی قدر میں مسلسل اضافہ جاری ہے۔
فاریکس ڈیلرز ایسوسی ایشن کے مطابق آج صبح سے ہی ڈالر کی قدر میں اضافہ دیکھنے میں آرہا ہے۔
انٹربینک میں آج کاروبار کے آغاز پر ڈالر کی قیمت میں 29 پیسے کا اضافہ ہوا ہے جس کے بعد انٹربینک میں امریکی کرنسی 287 روپے 75 پیسے پر ٹریڈ کررہی ہے۔
جشنِ آزادی، پی آئی اے کا ٹکٹس کے نرخوں میں خصوصی رعایت کا اعلان
یاد رہے کہ گزشتہ کاروباری دن کے اختتام پر انٹربینک میں ڈالر 287 روپے 46 پیسے پر بند ہوا تھا۔
دوسری جانب پاکستان سٹاک ایکسچینج سٹاک مارکیٹ میں مندی کے بعد بہتری آئی ہے۔
کاروبار کے دوران سٹاک مارکیٹ میں 235 پوائنٹس کا اضافہ ہوا ہے جس کے ساتھ 100 انڈیکس 48 ہزار 463 پوائنٹس کی سطح پر ٹریڈ کر رہا ہے۔
