سمندری طوفان شاہین،سندھ اور بلوچستان کے ساحلی علاقوں میں بارش، سیلاب کا خدشہ

کراچی: خلیج بنگال میں بننے والے سمندری دباؤ سے طوفان گلاب کا خدشہ کم ہوتے ہی شاہین کا خطرہ پیدا ہوگیا،پاکستان کے ساحلی علاقوں میں بارش کی پیش گوئی کردی گئی۔

سمندری طوفان گلاب سے بھارت میں اڑیسہ، آندھرا پردیش اور گجرات کے کئی شہروں میں موسلادھار بارشیں ہوئیں تاہم گلاب بھارتی ریاستوں سے ٹکرانے کے بعد عمان کی طرف مڑ گیا ہے۔ طوفان سے بھارت کے ساحلی علاقوں میں موسلادھار بارش ہوئی اور تین افراد ہلاک ہوئے۔

بھارتی محکمہ موسمیات کے مطابق گلاب سے بحیرہ عرب میں ایک اور سمندری طوفان کے جنم لینے کا خدشہ ہے۔ سمندری طوفان شاہین آج بننے کا امکان ہے۔ اس طوفان کو شاہین نام قطر کی طرف سے دیا گیا ہے اورطوفان سے مزید دور روز تک بھارت اور پاکستان کے ساحلی علاقوں میں بارش کی پیش گوئی کی گئی ہے۔

مزید پڑھیں:وزیراعظم عمران خان آج بلوچستان کا دورہ، جھل جاؤ بیلہ روڈ کا سنگ بنیاد رکھیں گے

واضح رہے کہ پاکستان میں سمندری طوفان کے خدشات کے پیش نظر ماہی گیروں کو سمندر میں جانے سے روک دیا گیا ہے جبکہ ساحلی علاقوں میں کسی بھی ممکنہ ناخوشگوار صورتحال سے نمٹنے کیلئے انتظامی اداروں  نے تیاریاں مکمل کرلی ہیں۔کراچی میں بھی آج بارش کا امکان ہے۔