گوگل نیوز پر ہمیں فالو کریںاسلام آباد: وزیر اعظم عمران خان اور چیف آف آرمی اسٹاف جنرل قمر جاوید باجوہ کے مابین آئی ایس آئی کے نئے ڈائریکٹر جنرل پر مشاورت کا عمل مکمل ہوگیا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیرِ اطلاعات فواد چوہدری نے کہا کہ وزیر اعظم اور آرمی چیف کے درمیان نئے ڈی جی، آئی ایس آئی کی تقرری پر مشاورت کا عمل مکمل اور نئی تقرری کا پراسس شروع ہوچکا ہے۔
وزیراعظم نے ڈی جی آئی ایس آئی پر اختلاف کی خبریں مسترد کردیں، ذرائع
کیا سول و ملٹری قیادت ڈی جی آئی ایس آئی کی تعیناتی پر ایک پیج پر ہیں؟
پیغام میں وزیرِ اطلاعات فواد چوہدری نے کہا کہ ایک بار پھر سول اور فوجی قیادت نے یہ ثابت کیا ہے کہ ملک کے استحکام، سالمیت اور ترقی کیلئے تمام ادارے متحد اور یکساں ہیں۔ انٹر سروسز انٹیلی جنس (آئی ایس آئی) کے نئے ڈی جی پر مشاورت مکمل ہوگئی۔
وزیر اعظم اور آرمی چیف کے درمیان نئے DG ISI کی تقرری پر مشاورت کا عمل مکمل ہو چکا ہے اور نئ تقرری کا پراسس شروع ہو چکا ہے، ایک بار پھر سول اور فوجی قیادت نے یہ ثابت کیا ہے کہ ملک کے استحکام، سالمیت اور ترقی کیلئے تمام ادارے متحد اور یکساں ہیں
— Ch Fawad Hussain (@fawadchaudhry) October 13, 2021
خیال رہے کہ اس سے قبل وفاقی وزیر اطلاعات و نشریات فواد چوہدری نے کہا کہ پاکستان کی ملٹری اور سول قیادت کے درمیان بہت اچھے تعلقات ہیں، جبکہ ڈی جی آئی ایس آئی کی تعیناتی میں اتھارٹی وزیر اعظم ہیں۔
فواد چوہدری کا گزشتہ روز کہنا تھا کہ وزیراعظم عمران خان نے ڈی جی آئی ایس آئی کے معاملے پر کابینہ کو اعتماد میں لیا، ڈی جی آئی ایس آئی کی تعیناتی میں اتھارٹی وزیر اعظم ہیں، نئے ڈی جی آئی ایس آئی کی تعیناتی کے لئے قانونی طریقہ اپنایا جائے گا۔
مزید پڑھیں: ڈی جی آئی ایس آئی کی تعیناتی میں اتھارٹی وزیر اعظم ہیں، فواد چوہدری
