گوگل نیوز پر ہمیں فالو کریںاسلام آباد: وزیراعظم عمران خان نے انٹر سروسز انٹیلیجنس (آئی ایس آئی) کے ہیڈکوارٹر کا دورہ کیا ہے۔ اس موقع پر وزیراعظم کے ہمراہ وفاقی وزراء اور سرکاری عہدیداروں بھی موجود تھے۔ دورہ کرنے والوں میں وزیراعلیٰ بلوچستان اور وزیراعلیٰ کے پی کے بھی شامل تھے۔
دورے کے دوران آرمی چیف جنرل قمر جاوید باجوہ، چیف آف نیول اسٹاف ایڈمرل امجد خان نیازی اور چیف آف ائیر اسٹاف ائیر چیف مارشل ظہیر احمد بابر بھی موجود تھے۔ ڈی جی آئی ایس آئی لیفٹننٹ جنرل فیض حمید نے شرکا کا استقبال کیا۔
Prime Minister @ImranKhanPTI along with key Federal Ministers, Chief Ministers of Balochistan and KP visited Inter Services Intelligence (ISI) Secretariat. pic.twitter.com/hjmECRhOUP
— Prime Minister's Office (@PakPMO) September 24, 2021
ڈی جی آئی ایس آئی لیفٹیننٹ جنرل فیض حمید نے شرکا کا استقبال کیا اور اعلیٰ قومی وعسکری قیادت کو افغانستان کی صورتحال پر بریفنگ دی گئی۔ افغانستان کی حالیہ صورتحال کے تناظرمیں خطے میں تبدیلیوں پر بھی بریف کیا گیا۔
وزیراعظم عمران خان نے قومی سلامتی کو درپیش چیلنجز کے خلاف آئی ایس آئی کی پیشہ ورانہ صلاحیتوں کو سراہا۔
یہ بھی پڑھیں : کسی کو دینی مدارس کی حریت اور آزادی کو گروی نہیں رکھنے دیں گے: کنونشن اعلامیہ
