عوام کورونا وباء کی روک تھام کے لئے قواعد وضوابط کو سمجھیں۔ صدر مملکت

اسلام آباد: صدرپاکستان ڈاکٹر عارف علوی نے ملک کے عوام پر زور دیا ہے کہ وہ کورونا وباء کی روک تھام کے لئے قواعد وضوابط کو سمجھیں اور ان پر عمل کریں۔ جس طرح وہ اس بات پر یقین رکھتے ہیں کہ اس وائرس کو جان بوجھ کر نہیں پھیلایا گیا۔

صدر مملکت نے اپنے ایک ٹویٹ کے ذریعے اکانومسٹ میں شائع ہونے والی ایک جائزہ رپورٹ کا حوالہ دیا، جس سے اس بات کی نشاندہی ہوتی ہے کہ پاکستانی دنیا میں اس بات پر زیادہ یقین رکھتے ہیں کہ اس وباء کو جان بوجھ کر نہیں پھیلایا گیا۔

If you see dark blue 'No' column in survey below it shows Pakistanis were highest believers in the world that Coronavirus is not being deliberately spread. If we believe in reality, we must believe & implement SOPs. Wear masks, wash hands & keep social distance. Every one of us. pic.twitter.com/8I3RS4yuQg

— Dr. Arif Alvi (@ArifAlvi) June 6, 2020

واضح رہے کہ اس سال مارچ میں لیے گئے جائزے میں 72 فیصد پاکستانیوں نے اس اعتماد کا اظہار کیا ہے کہ کسی بھی غیر ملکی فوج نے جان بوجھ کر وائرس نہیں پھیلایا بلکہ یہ قدرتی طور پر پیدا ہوا ہے۔

صدر مملکت ڈاکٹر عارف علوی نے کہا کہ اگر ہم حقائق پر یقین رکھتے ہیں تو ہمیں قواعد وضوابط پر یقین رکھنا اور ان پر عملدرآمد کرنا چاہیے۔تاکہ ہم خود اوراپنے عزیزوں کو اس وباء سے بچا سکیں۔