مہنگائی کے باعث عوام بچوں کو زہر پلا کر خود کشیاں کر رہے ہیں، مریم نواز

لاہور: پاکستان مسلم لیگ (ن) کی نائب صدر مریم نواز شریف نے ایک بار پھر وزیر اعظم عمران خان پر تنقید کے نشتر برسا دیئے۔

مریم نواز نے ٹوئٹر پر اظہار خیال کرتے ہوئے کہا کہ عوام فاقوں سے مر رہے ہیں، والدین مہنگائی سے تنگ آ کر بچوں کو زہر پلا کر خود کشیاں کر رہے ہیں، اورملک کا بے حس حکمران ریاست مدینہ کی بات کر رہا ہے۔

جس ملک میں عوام فاقوں سے مر رہےہوں،والدین مہنگائی سے تنگ آ کر بچوں کو زہر پلا کر خود کشیاں کر رہے ہوں،اس ملک کاحکمران اُس ریاست مدینہ کی بات کر رہا ہے جسکاخلیفہ کندھوں پر بوریاں اٹھا کر غریبوں کے گھروں پر دستک دیتا تھا؟

کیا کوئی شخص ایسابےحس گونگا بہرا اور اندھا بھی ہو سکتا ہے؟

— Maryam Nawaz Sharif (@MaryamNSharif) October 19, 2021

سماجی رابطے کی ویب سائٹ ٹوئٹر پر مریم نواز کا کہنا تھا کہ ایک شخص جو وزیراعظم کی کرسی پر قابض ہے وہ بجائے اس کے کہ آئین اور قانون کے تحت معاملات چلاتا ہو وہ جادو ٹونا، حساب کتاب سے 22 کروڑ کا ملک چلارہا ہے۔

نائب صدر ن لیگ مریم نواز کا اپنے ٹوئٹ میں مزید کہنا تھا کہ جس ملک میں عوام فاقوں سے مر رہے ہوں، والدین مہنگائی سے تنگ آ کر بچوں کو زہر پلا کر خود کشیاں کر رہے ہوں۔

مزید پڑھیں: ٹی وی چینل نے ہتک عزت کا مقدمہ ہارنے کے بعد اسحاق ڈار سے معافی مانگ لی

اس ملک کاحکمران اُس ریاست مدینہ کی بات کر رہا ہے، جس کاخلیفہ کندھوں پر بوریاں اٹھا کر غریبوں کے گھروں پر دستک دیتا تھا؟ کیا کوئی شخص ایسا بیحس گونگا بہرا اور اندھا بھی ہو سکتا ہے؟