گوگل نیوز پر ہمیں فالو کریںصلالہ: پاکستان نے ملائیشیا کو شکست دے کر جونیئر ہاکی ایشیا کپ کے فائنل کے لئے کوالیفائی کرلیا۔
ایونٹ کے سیمی فائنل میں پاکستان نے ملائیشیا کو 2 کے مقابلے میں 6 گول سے شکست دی، پاکستان کی جانب سے عبدالرحمٰن نے شاندار پرفارمنس کا مظاہرہ کرتے ہوئے 3 گول اسکور کیے۔
پاکستان جونیئر ایشیاء کپ کے فائنل میں پہنچ گیا.
سیمی فائنل میں پاکستان نے ملائشیا کو 2-6 سے ہرادیا.
جونیئر ایشیاء کپ فائنل پاکستان اور بھارت کے مابین کھیلا جائے گا.
پاکستان نے مسلسل تیسری بار اور مجموعی طور پر ساتویں بار فائنل کیلئے کوالیفائی کیا ہے pic.twitter.com/6bPFVlzevc
— Pakistan Hockey (PHF) (@PHFOfficial) May 31, 2023
ملائیشیا کے پیرابو تنگراجا نے 21 ویں منٹ میں گول کرکے برتری حاصل کی ، 42 ویں منٹ میں پاکستان کے محمد صفیان نے گول کرکے مقابلہ برابر کردیا۔
44 ویں منٹ میں عبدالرحمٰن نے پاکستان کو برتری دلائی، اگلے منٹ ملائیشیا نے مقابلہ برابر کیا، 47 ویں منٹ میں عبدالحنان شاہد نے فیلڈ گول کرکے پاکستان کو پھر برتری دلادی۔
بابراعظم نے محمد رضوان کے ہمراہ پڑھائی کرنیکی تصویر سوشل میڈیا پر شیئر کردی
عبدالرحمٰن نے 48 ویں اور 51 ویں منٹ میں گول کرکے پاکستان کی برتری مستحکم کی، 58 ویں منٹ میں ارباز احمد نے گول کرکے اسکور پاکستان کے حق میں 2-6 کردیا۔
خیال رہے کہ پاکستان نے مسلسل تیسری اور مجموعی طور پر ساتویں بار ٹورنامنٹ کے فائنل کیلئے کوالیفائی کیا ہے۔
جونیئر ہاکی ایشیا کپ کے فائنل میں پاکستان کا مقابلہ روایتی حریف بھارت سے ہوگا۔
