مہوش حیات نے ملک بھر کے چڑیا گھر بند کرنے کا مطالبہ کردیا

کراچی:پاکستان فلم و ٹی وی انڈسٹری کی معروف اداکارہ و تمغہ امتیاز مہوش حیات نے اعلیٰ حکام سے مطالبہ کیا ہے کہ ملک بھر کے تمام چڑیا گھر بند کرکے تمام جانوروں کو آزاد کردیا جائے۔

انہوں نے کہا کہ معاشرتی مسائل اور ظلم و زیادتی کے خلاف ہمیشہ اپنی آواز بلند کرنے والی اداکارہ مہوش حیات نے مائیکرو بلاگنگ سائٹ ٹوئٹر پر جانوروں کے حق کے حوالے سے خصوصی پیغام جاری کیا ہے۔

In a country where we’re still fighting for human rights,animal rights are a long way off. But come on,why do we only take action when foreign celebrities get involved?This is so embarrassing.Animals are born free- the authorities must shut these zoos now!https://t.co/jY6MzNXu7W

— Mehwish Hayat TI (@MehwishHayat) December 14, 2020

مہوش حیات نے اپنے ٹوئٹ پیغام میں کہا کہ ’ہم ایک ایسے ملک میں جہاں ہم ابھی بھی انسانی حقوق کی جنگ لڑ رہے ہیں تو پھر وہاں جانوروں کے حقوق حاصل کرنا تو بہت دور کی بات ہے۔

اداکارہ نے سوالیہ انداز میں کہا کہ ’کاون ہاتھی کی رہائی کا تذکرہ کرتے ہوئے کہا کہ جب غیر ملکی مشہور شخصیات شامل ہوتے ہیں تو ہم اْسی وقت کارروائی کیوں کرتے ہیں؟

اْس سے پہلے کیوں نہیں کرتے ہیں؟اْنہوں نے کہا کہ ’ہمارے لیے یہ واقعی بہت شرمناک بات ہے کہ غیر ملکی شخصیات ہمیں صحیح کام کا بتائیں۔مہوش حیات نے اعلیٰ حکام سے مطالبہ کرتے ہوئے کہا کہ اب ملک بھر سے ان چڑیا گھروں کو بند کردینا چاہیے۔

واضح رہے کہ گزشتہ 35 سے پاکستا ن کے دارالحکومت اسلام آباد کے مرغزار چڑیا گھر میں تنہا رہنے والے کاون ہاتھی کو حال ہی میں کمبوڈیا پہنچایا گیا جہاں امریکی گلوکارہ شیئر سمیت بڑی تعداد میں افراد نے کاون کا استقبال کیا۔