متحدہ عرب امارات، یہودی سفیر کو گارڈ آف آنر پیش، اسرائیلی پرچم لہرادیاگیا

ابوظہبی: متحدہ عرب امارات میں یہودی جمہوریہ اسرائیل کے سفیر کو گارڈ آف آنر پیش کرتے ہوئے اسرائیلی جھنڈا بھی لہرایا گیا جس سے مظلوم فلسطینیوں کے جذبات مجروح ہوئے۔ 

تفصیلات کے مطابق متحدہ عرب امارات اور اسرائیل کی دوستی کھل کر سامنے آگئی۔ یو اے ای کے صدارتی محل میں پہلی بار مقبوضہ فلسطین پر گزشتہ 70 برس سے زائد عرصے سے غیر قانونی طور پر قابض ملک اسرائیل کا جھنڈا لہرایا گیا۔

یہ بھی پڑھیں:

ظالمانہ اقدام سے انکار، اسرائیلی فوج کی خاتون اہلکار کو جیل بھیج دیا گیا

اسرائیل کی تاریخ کی سب سے بڑی فضائی جنگی مشقوں میں بھارت بھی شامل

Historic !! 🇦🇪🇮🇱
.
Israel flag hoisted for the first time ever at Qasr Al Watan (The UAE Presidential Palace) …Israeli national anthem being played at Qasr Al Watan … and UAE Presidential Guards present guard of honor ! @HayekAmir @AmbAlKhaja pic.twitter.com/REcrVhJ8HD

— حسن سجواني 🇦🇪 Hassan Sajwani (@HSajwanization) November 16, 2021

حال ہی میں امارات میں اسرائیل کے سفیر عامر ہائیک کو صدارتی محل (قصر الوطن) آمد کی دعوت دی گئی۔ صدارتی محل کے گارڈز نے یہودی ملک کے سفیر کو گارڈ آف آنر پیش کیا۔ اس موقعے پر اسرائیلی قومی ترانے کی دھن بھی بجا دی گئی۔

خیال رہے کہ اسرائیل عرب سفارتکاری نئی بات نہیں رہی۔اس سے قبل اسرائیلی میڈیا کے دعوے کے مطابق سعودی عرب اور اسرائیل کے درمیان فضائی سروس کا آغاز کردیا گیا۔

عبرانی اخبار کا گزشتہ ماہ کہنا تھا کہ اسرائیلی دارالحکومت تل ابیب میں قائم بن گوریون ہوائی اڈے سے ایک پرواز سعودی عرب کے شہر الریاض کے لیے روانہ ہوئی۔

اماراتی کمپنی رائل جیٹ کی پروازتل ابیب سے مسافروں کو لے کر سعودی عرب کے دارالحکومت الریاض پہنچی۔ اخبار نے اس خبر کے حوالے سے مزید تفصیل بیان نہیں کی۔