گوگل نیوز پر ہمیں فالو کریںدبئی میں پاکستانی ٹیکسی ڈرائیور نے ایمانداری کی مثال قائم کرتے ہوئے مسافر کے ایک لاکھ درہم پولیس کو دے دیے۔
28 سالہ سفیان ریاض کرائے پر لیموزین دینے والی کمپنی میں گاڑی چلاتا ہے۔
23 مئی کو اسے اپنی گاڑی سے ایک لاکھ ایک ہزار 463 درہم ملے، یہ رقم ملنے سے ایک گھنٹہ پہلے ہی سفیان نے ایک مسافر کو اس کی منزل پر اتارا تھا۔
یہ بھی پڑھیں:
کراچی میں عالمی معیار کی فش مارکیٹ قائم کی جائے گی
سفیان ریاض نے یہ رقم البرشا پولیس اسٹیشن میں جمع کروا دی۔
اس نے کہا کہ مجھے یہ رقم میری گاڑی کے اندر ملی، میں چاہتا ہوں کہ یہ اس کے مالک تک پہنچ جائے۔
سفیان کا کہنا تھا کہ ایک اچھا شہری ہوتے ہوئے میں نے پولیس اسٹیشن میں رقم دے دی۔
بعد ازاں البرشا پولیس اسٹیشن کے ڈائریکٹر بریگیڈیئر ماجد السویدی نے سفیان کو فون کرکے بلوایا اور اس کارنامے پر شاباشی دی۔
انہوں نے کہا کہ ہم سفیان کی اس ایمانداری پر فخر کرتے ہیں، پولیس فورس عوام کو معاشرے میں مثبت کردار ادا کرنے کیلئے ترغیب دیتی ہے۔
سفیان ریاض کو دبئی پولیس نے تحفہ اور سرٹیفکیٹ بھی دیا۔
