گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے پیش گوئی کی ہے کہ رواں سال رمضان المبارک کا پہلا روزہ 25 اپریل کو ہوگا۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے پیش گوئی کی کہ رمضان المبارک کا چاند پورے ملک میں 24 اپریل کو دیکھا جاسکے گا۔
پیشگوئی کے ساتھ ساتھ وزیر سائنس و ٹیکنالوجی فواد چوہدری نے کہا کہ رویت ہلال کمیٹی نے ذیقعد اور رجب دونوں کی غلط تاریخیں دیں۔
وزیر سائنس و ٹیکنالوجی نے رویت ہلال کمیٹی کے خلاف ایکشن لینے کا عندیہ دیتے ہوئے کہا کہ 5 مارچ کو پالیمان کی مذہبی امور کمیٹیوں کو بریفنگ دیں گے کہ عید اور اسلامی تہوار تقسیم کی بجائے اتحاد کا سبب بننے چاہئیں۔
انشااللہ رمضان المبارک کا چاند 24 اپریل کو پورے ملک میں دیکھا جا سکے گا اور25 اپریل کوپہلاروزہ ہو گا،روئت ھلال کمیٹی نے ذیعقداور رجب دونوں کی غلط تاریخ دیں 5 مارچ کو پارلیمان کی مذہبی امور کی کمیٹیوں کو بریفنگ دیں گے کہ عید اور اسلامی تہوار تقسیم نہیں اتحاد کا باعث بننے چاہئیں۔
— Ch Fawad Hussain (@fawadchaudhry) February 27, 2020
