بالی ووڈ کے نامور اداکار اکشے کمار بھی کورونا میں مبتلا ہو گئے

ممبئی: بالی ووڈ فم انڈسٹری کے معروف اداکارہ اکشے کمار بھی عالمی وبا کورونا وائرس کا شکار ہو گئے ہیں۔

بالی ووڈ اسٹار اکشے کمار نے آج صبح اپنے تصدیق اکاؤنٹ ٹوئٹر پر اپنے مداحوں کے لیے ایک پیغام شیئر کرتے ہوئے لکھا ہے کہ ’میں آپ سب کو یہ بتانا چاہتا ہوں کہ آج صبح میرے کورونا وائرس ٹیسٹ کی رپورٹ آئی ہے جس کے نتائج مثبت آئے ہیں۔‘

🙏🏻 pic.twitter.com/w9Q7m54BUN

— Akshay Kumar (@akshaykumar) April 4, 2021

اکشےکمار نے کہا کہ ’کورونا ٹیسٹ مثبت آنے کے فوری بعد ہی میں نے تمام احتیاطی تدابیر کو اختیار کرتے ہوئے خود کو گھر میں ہی قرنطینہ کرلیا ہے جہاں مجھے تمام طبی سہولیات فراہم کی جارہی ہیں۔‘

اکشے کمارے نے اپنے مداحوں سے اپیل کرتے ہوئے کہا ہےکہ ’جو لوگ حالیہ دنوں میں مجھ سے رابطے میں تھے وہ لازمی اپنا کورونا ٹیسٹ کروائیں اور اپنا خیال رکھیں۔‘

اکشے کمار کے ٹوئٹر پر شیئر کئے گئے پیغام کے بعد دُنیا بھر میں موجود اُن کے مداحوں کی جانب سے اداکار کی جلد صحتیابی کے لیے دُعاؤں کا سلسلہ شروع ہوگیا ہے۔

یہ بھی پڑھیں: اداکارہ سجل علی کے انسٹاگرام فالورز کی تعداد 70 لاکھ سے تجاوز کر گئی

واضح رہے کہ اس سے قبل بھی بالی ووڈ کے کئی فنکار کورونا وائرس کا شکار ہوچکے ہیں جن میں امیتابھ بچن، ابھیشیک بچن، کارتک آریان، عالیہ بھٹ، فاطمہ ثنا شیخ، سنی دیول، بپی لہری، عامر خان، رنیبر کپور اور رنگاناتھ مدھاون سمیت دیگر شامل ہیں۔