آج چھڑی بدلی، 30 جنوری تک الیکشن کی گھڑی بھی بدلے گی، شیخ رشید

مقبول خبریں

کالمز

موسم

قیمتیں

ٹرانسپورٹ

آج چھڑی بدلی، 30 جنوری تک الیکشن کی گھڑی بھی بدلے گی، شیخ رشید
آج چھڑی بدلی، 30 جنوری تک الیکشن کی گھڑی بھی بدلے گی، شیخ رشید

راولپنڈی: عوامی مسلم لیگ کے سربراہ شیخ رشید کا کہنا ہے کہ آج چھڑی بدلی ہے اور 30 جنوری تک الیکشن کی گھڑی بھی بدلے گی۔

سماجی رابطے کی ویب سائٹ ٹوئٹر پر اپنے پیغام میں سابق وزیرداخلہ شیخ رشید نے کہا کہ 4 ماہ سے پنجاب اسمبلی کا اجلاس جاری ہے، عدم اعتماد اورگورنرراج ممکن نہیں۔

انہوں نے کہا کہ اس حکومت میں آنے اور اسے لانے والے دونوں پشیمان ہیں،آج چھڑی بدلی، 30 جنوری تک الیکشن کی گھڑی بھی بدلے گی۔

یہ بھی پڑھیں:

متنازع ٹوئٹس، اعظم سواتی کا مزید 4 روزہ جسمانی ریمانڈ منظور

ٹوئٹر پیغام میں شیخ رشید نے مولانا فضل الرحمان کے بیان پر تبصرہ کرتے ہوئے لکھا کہ فضل الرحمان کے بیان نے ان کو رسوا کر دیا، عمران خان نے تنہا 13 پارٹیوں کی سیاست دفن کردی، اسمبلیاں تحلیل ہوگئیں توایک سال میں2 الیکشن کےنہ پیسے ہیں نہ منصوبہ بندی،گوٹی پھنس گئی ہے جب کہ 77 وزرا خزانے پر بوجھ ہیں۔

اُن کا مزید کہنا تھا کہ معیشت ہی قومی سلامتی ہے جس پر کوئی خاموش تماشائی نہیں رہ سکتا، 8 مہینے سے فاقہ کشی، مہنگائی اور اب آئی ایم ایف کا جواب ہے، جو لندن دوائی لینے گئے تھے، وہ اب نیو ائیر کی چھٹیاں منا رہے ہیں، الٹی گنتی شروع ہو گئی ہے، جی کا جانا ٹھہر گیا۔

Related Posts