چیف جسٹس پشاور ہائیکورٹ وقار احمد سیٹھ کورونا کے باعث انتقال کرگئے

پشاور: چیف جسٹس پشاور ہائیکورٹ وقار احمد سیٹھ کورونا وائرس کے باعث انتقال کرگئے، وہ گزشتہ کئی دنوں سے نجی اسپتال میں زیر علاج تھے۔

ترجمان پشاور ہائی کورٹ کے مطابق چیف جسٹس پشاور ہائی کورٹ کورونا کے مرض میں مبتلا تھے، وہ اسلام آباد کے کلثوم انٹرنیشنل اسپتال میں زیر علاج تھے۔

ترجمان پشاور ہائی کورٹ کے مطابق انہیں اسپتال کے انتہائی نگہداشت کے وارڈ میں منتقل کیا گیا تھا، جہاں ان کی طبیعت سنبھل نہ سکی اور وہ خالق حقیقی سے جاملے۔

Saddened to learn of the passing of Chief Justice Peshawar High Court Waqar Ahmed Seth. May his soul rest in peace – Ameen. My condolences & prayers go to his family.

— Imran Khan (@ImranKhanPTI) November 12, 2020

وزیراعظم عمران خان نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ چیف جسٹس پشاور ہائیکورٹ وقار احمد سیٹھ کے انتقال پر افسوس ہوا۔ انہوں نے مزید لکھا کہ اللہ تعالیٰ ان کو جنت الفردوس میں جگہ عطا فرمائے، میری ہمدردی اور دعائیں مرحوم کے اہلخانہ کے ساتھ ہیں۔

مزید پڑھیں: چیئرمین این ڈی ایم اے لیفٹیننٹ جنرل محمد افضل کورونا وائرس کا شکار ہوگئے