گوگل نیوز پر ہمیں فالو کریںکراچی: شیر شاہ پراچہ پل کے پاس ہونے والے دھماکے میں 14 افراد جاں بحق اور متعدد افراد زخمی ہوگئے۔
ذرائع کے مطابق کراچی کے علاقے شیر شاہ پراچہ چوک کے قریب ہونے والا دھماکا اس قدر شدید تھا کہ اس کی آواز کئی کلو میٹر دور تک سنی گئی، جب کہ متعدد گاڑیاں اور دکانیں تباہ ہوگئیں، اور جائے وقوعہ پر ہر طرف تباہی کے مناظر تھے۔
زوردار دھماکے کی اطلاع ملتے ہی پولیس، ریسکیو اور بم ڈسپوزل اسکواڈ کی ٹیمیں متاثرہ مقام پر پہنچ گئیں، اور زخمیوں کو اسپتال منتقل کیا گیا۔
سیکورٹی حکام نے متاثرہ جگہ کو اپنے گھیرے میں لے لیا، جبکہ اب تک 14افراد کی موت کی تصدیق ہوچکی ہے، جب کہ 11 زخمی افراد کو اسپتال منتقل کیا جاچکا ہے، جن کی حالت تشویشناک ہے۔
ایم ایس سول اسپتال ڈاکٹر صابر میمن کے مطابق شیر شاہ دھماکے میں 12 افراد جاں بحق ہوگئے ہیں، اور تمام جاں بحق افراد کے جسم کے اوپری حصے میں زخم آئے تھے، جب کہ دھماکے کے 13 زخمی لائے گئے ہیں جن کے چہرے اور سینے زیادہ زخمی ہیں۔
پولیس ذرائع کے مطابق ابتدائی تحقیقات میں معلوم ہوا ہے کہ دھماکہ گیس پائپ لائن نالے کے نیچے سے گزر رہی تھی اور دھماکا نالے میں گیس بھرنے سے ہوا، تاہم حتمی طور پر کہنا قبل ازوقت ہے کہ دھماکا کسی تخریب کاری کا نتیجہ ہے یا حادثاتی طور پر ہوا ہے۔
بم ڈسپوزل اسکواڈ طلب کو معاملے کی جانچ کے لئے طلب کرلیا گیا ہے، دھماکے سے 14 افراد جاں بحق اور 11 افراد زخمی ہیں، اور پولیس ریسکیو ٹیموں کے ہمراہ امدادی کارروائیوں میں مصروف ہیں۔
مزید پڑھیں: مسافربس نے راہگیروں کوکچل دیا،5افرادجاں بحق ہوگئے
