گوگل نیوز پر ہمیں فالو کریںکینیڈاکے شہر اونٹاریو میں دارالتوحید نامی مسجد و اسلامی مرکز پر ایک شخص نے حملہ کیا جس کے وار کے باعث متعدد افراد زخمی ہو گئے، کینیڈین وزیر اعظم جسٹن ٹروڈو نے پر تشدد واقعے کی شدید مذمت کی ہے۔
تفصیلات کے مطابق مسجد پر حملہ فجر کے وقت کیا گیا، ملزم نے متعدد افراد کو زخمی کردیا۔ مسجد انتظامیہ کا کہنا ہے کہ نمازیوں نے 24سالہ ملزم کو پکڑ کینیڈین پولیس کے حوالے کیا۔
چینی و امریکی صدور کی ویڈیو لنک پر ملاقات، روس یوکرین پر بحث و تکرار
سماجی رابطے کی ویب سائٹ ٹوئٹر پر اپنے پیغام میں کینیڈین وزیر اعظم جسٹن ٹروڈو کا کہنا ہے کہ دارالتوحید اسلامک سینٹر میں نمازیوں پر حملہ ناقابلِ یقین حد تک پریشان کن ہے۔ میں اس تشدد کی شدید مذمت کرتا ہوں۔
The attack on congregants at the Dar Al-Tawheed Islamic Centre is incredibly disturbing. I strongly condemn this violence – which has no place in Canada – and I’m keeping the community in my thoughts today. I also want to applaud the courage of those who were there this morning.
— Justin Trudeau (@JustinTrudeau) March 19, 2022
ٹوئٹر پیغام میں وزیر اعظم جسٹن ٹروڈو نے کہا کہ پر تشدد اقدامات کی کینیڈا میں کوئی گنجائش نہیں۔ ان لوگوں کی ہمت کو داد دینا چاہتا ہوں جو آج صبح وہاں موجود تھے۔ مسلمان طبقے کے متعلق تشویش ہے۔
بین الاقوامی میڈیا کا کہنا ہے کہ ملزم نے نمازیوں پر اسپرے چھڑک کر انہیں نقصان پہنچایا۔ پولیس نے ملزم کو حراست میں لے لیا ہے جس کی شناخت محمد معیزعمر کے نام سے ہوئی ہے جو مسی ساگا کا رہائشی ہے۔
پولیس نے ملزم پر ہتھیار سے حملہ کرنے، اقدامِ قتل اور جسمانی نقصان پہنچانے کے ارادے سے زہریلا اسپرے چھڑکنے، خطرناک مقصد کیلئے ہتھیار رکھنے، دھمکیاں دینے اور مذہبی املاک کو نقصان پہنچانے کے الزامات عائد کیے ہیں۔
