پشاور زلمی کے کپتان ڈیرن سیمی کی نیشنل اسٹیڈیم کراچی میں پریکٹس

کراچی (نگاہ محمد) پشاور زلمی کے کپتان ڈیرن سیمی نے نیشنل اسٹیڈیم کراچی میں پریکٹس شروع کردی، ڈیرن سیمی گزشتہ روز پاکستان سپرلیگ میں شرکت کیلئے کراچی پہنچے تھے۔

پشاور زلمی کے کپتان ڈیرن سیمی کو سخت سیکورٹی حصار میں ہوٹل سے اسٹیڈیم پہنچایا گیا، ہر دلعزیز ڈیرن سیمی نے اپنے روایتی انداز میں گرائونڈ اسٹاف سے ملاقات کی اور ان میں گھل مل گئے۔

مزید پڑھیں: اس بار کوئٹہ گلیڈی ایٹرز ایک الگ رنگ میں نظر آئے گی، احسن علی

پاکستان سپرلیگ کی فرنچائز پشاور زلمی کے قائد ڈیرن سیمی نے نیشنل اسٹیڈیم میں فزیکل ٹریننگ سیشن میں حصہ لیا اور ڈیرن سیمی کو دیکھنے اور ان کے ساتھ سیلفیاں بنوانے کیلئے بڑی تعداد میں مداح نیشنل اسٹیڈیم پہنچے تاہم سیکورٹی وجوہات کی بنا پر ان کی یہ خواہش پوری نہ ہوسکی۔

گرائونڈ آمد کے موقع پر پی ایس ایل کیلئے بہت پرجوش ڈیرن سیمی  کاکہنا تھا کہ پی ایس ایل کا پاکستان میں انعقاد خوش آئند ہے اور انہوں نے کہا کہ میں پی ایس ایل کیلئے بہت بیتاب ہوں ، اس بار شائقین کو مزید سنسنی خیز مقابلے دیکھنے کو ملیں گے۔