گوگل نیوز پر ہمیں فالو کریںبھارت کے مشہور ڈرامہ سیریل “یہ رشتہ کیا کہلاتا ہے” کی 3 مئی کی قسط میں پوڈدار خاندان میں کشیدگی اس وقت بڑھ گئی جب ارمان (روہت پروہت) نے ابھیرہ (سمرِدھی شکلا) کو تاکید کی کہ وہ دوسروں کے خاندانی معاملات سے دور رہے اور اپنی توجہ صرف آنے والے بچے پر مرکوز رکھے تاہم ابھیرہ نے اس بات سے انکار کرتے ہوئے اپنی اقدار اور انصاف پسندی پر قائم رہنے کا فیصلہ کیا۔
اسی دوران آریان ایک چونکا دینے والی خبر لے کر آیا کہ چارُو نے پوڈدار ہاؤس چھوڑ دیا ہے اور گوئنکا مینشن میں منتقل ہو گئی ہے۔ خاندان اس غیر متوقع فیصلے پر حیران رہ گیا۔ ارمان نے فوراً چارُو سے رابطہ کرنے کی کوشش کی، لیکن اس نے واپس آنے سے انکار کر دیا۔
پوڈدار ہاؤس میں سنجے نے اعلان کیا کہ چارُو کو واپس نہیں بلایا جائے گا کیونکہ اس نے خود کو خاندان سے الگ کر لیا ہے۔ کرش نے جذباتی ہو کر ارمان کو اس صورتحال کا ذمہ دار ٹھہرایا۔
اگلے دن پوڈدار اور گوئنکا خاندان ایک مندر میں ابھیرہ اور ارمان کے آنے والے بچے کی پوجا کے لیے جمع ہوئے تاہم ابھیرہ کی غیر موجودگی نے سب کو پریشان کر دیا۔ ارمان نے اس کی ترجیحات پر سوال اٹھایا کہ آیا وہ ماں بننے کی ذمہ داری کو اہمیت دیتی ہے یا اپنے قانونی مؤکلوں کی۔
کچھ دیر بعد ابھیرہ مندر پہنچی اور سب کو حیران کر دیا جب اس نے اعلان کیا کہ وہ کیارا کی طلاق کے کیس میں اس کی وکیل ہے اور ابھیر کے خلاف اس کی نمائندگی کرے گی۔ یہ اعلان سن کر دونوں خاندان دنگ رہ گئے۔
کیارا نے جذباتی انداز میں ابھیر سے کہا کہ وہ شادی ختم کرنا چاہتی ہے کیونکہ اس نے صرف تکلیف دی ہے۔ اس لمحے کو مزید طاقتور بنایا کیارا کی ماں منیشا نے جنہوں نے ڈھول بجا کر فخر سے اعلان کیا کہ ان کی بیٹی نے آخرکار اپنے لیے آواز اٹھائی ہےاور وہ ان کے ساتھ ہیں۔
