گوگل نیوز پر ہمیں فالو کریںلکھنؤ: سری لنکا نے آسٹریلیا کو آئی سی سی ون ڈے ورلڈکپ کے 14 ویں میچ میں جیت کیلئے 210 رنز کا ہدف دے دیا۔
آئی سی سی ورلڈ کپ کا 14 ویں میچ بھارت کے شہر لکھنؤ کے اکانا کرکٹ اسٹیڈیم میں کھیلا جارہا ہے، سری لنکا کے کپتان کسال مینڈس نے ٹاس جیت کر پہلے بیٹنگ کا فیصلہ کیا، پہلے بیٹنگ کرتے ہوئے سری لنکا کی پوری ٹیم 43.3 اوورز میں 209 رنز بنا کرپویلین لوٹ گئی۔
سری لنکن اوپنرز نے شاندار کھیل پیش کیا، پہلی وکٹ 125 کے مجموعی سکور پر گری جب پتھم نسانکا 61 رنز بنا کر پیٹ کمنز کی گیند پر کیچ آؤٹ ہوگئے جبکہ اوپننگ پارٹنر کسال پریرا 78 رنز بنا کر پیٹ کمنز کی گیند پر بولڈ ہوگئے۔
سری لنکا کی تیسری وکٹ 165 کے مجموعی سکور پر گری جب کپتان کسال مینڈس 9 سکور بنا کر کیچ آؤٹ ہوگئے، چوتھی وکٹ سدیرا سمارا وکراما کی گری جو 8 رنز بنا کر آؤٹ ہوگئے۔
بارش کے بعد سری لنکا کے بلے بازوں نے مایوس کُن کارکردگی کا مظاہرہ کیا، 178 کے مجموعی سکور پر پانچویں وکٹ گری جب دھننجایا ڈی سلوا 7 سکور بنا کر بولڈ ہوئے جبکہ دونیتھ ویلالگے 2 رنز بنا کر آؤٹ ہوگئے۔
سری لنکا کے کپتان کوشال مینڈس نے ٹاس کے موقع پر گفتگو کرتے ہوئے کہا کہ وکٹ اچھی لگ رہی ہے، ہمیں انجری مسائل کا سامنا ہے، اس وکٹ پر 200 سے 300 رنز کا اچھا سکور ہو گا۔
آسٹریلیا کے کپتان پیٹ کمنز نے کہا کہ پچھلے ایک دو دن اچھی ٹریننگ کی۔
