گوگل نیوز پر ہمیں فالو کریںقومی کرکٹ ٹیم میں کل بنگلادیش سے ہونے والے میچ کے لئے تین تبدیلیاں ہونے کا امکان ظاہر کیا جا رہا ہے۔
شاداب خان کی بنگلا دیش کے خلاف میچ میں شرکت مشکوک ہے، شاداب خان کی شرکت پر فیصلہ صبح مزید معائنے کے بعد ہوگا۔
ذرائع کے مطابق شاداب خان 100 فیصد بہتر محسوس نہیں کر رہے،شاداب نے آج نیٹ پر بولنگ بھی نہیں کی تھی۔
ذرائع کا کہنا ہے کہ کل ہونے والے میچ میں پاکستان ٹیم میں تین تبدیلیاں ہوسکتی ہیں، شاداب خان کی جگہ اسامہ میرکو بنگلا دیش کے خلاف کھلایا جاسکتا ہے۔
اوپننگ بلے باز امام الحق کی جگہ فخر زمان کو میدان میں اتارا جائیگا جب کہ محمد نواز کی جگہ سلمان علی آغا فائنل الیون کا حصہ ہوسکتے ہیں۔
