ورلڈ کپ 2022، قومی کرکٹ ٹیم کی آفیشل کِٹ جاری کردی گئی

کراچی: پاکستان کرکٹ بورڈ (پی سی بی) کی جانب سے اگلے ماہ آسٹریلیا میں منعقد ہونے والے ٹی ٹوئنٹی ورلڈ کپ 2022ء کے لئے قومی ٹیم کی کٹ کی باضابطہ رونمائی کردی گئی۔

پاکستان کرکٹ بورڈ (پی سی بی) نے ٹی ٹوئنٹی ورلڈ کپ کیلئے قومی ٹیم کی کٹ کی رونمائی خصوصی ویڈیو کے ذریعے کی جس میں کپتان بابر اعظم، شاداب خان اور نسیم شاہ کے ساتھ قومی ویمن کرکٹ ٹیم کی پلیئرز فاطمہ ثنا اورکائنات امتیاز نے بھی حصہ لیا۔

???????????? ???????????? ????????????????????????!

Presenting the official Pakistan T20I Thunder Jersey’22 ⚡

Order the official ???????? shirt now at https://t.co/A91XbZsSbJ#GreenThunder pic.twitter.com/BX5bdspqt1

— Pakistan Cricket (@TheRealPCB) September 19, 2022

ورلڈ کپ کیلئے پاکستان کرکٹ ٹیم کی کٹ کا بنیادی رنگ گہرا سبز ہے جبکہ ہلکے سبز اور پیلے رنگ کو استعمال کرتے ہوئے تھنڈر کی تھیم کو اپنایا گیا ہے۔

پاکستان کرکٹ بورڈ نے ساتھ ہی کلیش کٹ بھی جاری کی ہے جس میں ڈارک گرین اور ہلکا سبز رنگ استعمال کیا گیا ہے، کلیش کِٹ ایسی صورت میں استعمال کی جاتی ہے جب دو ٹیموں کی کٹس کا کلر یکساں ہو، ایسے میں ایک ٹیم اپنے ڈیزائن میں کلر اسکیم کو تبدیل کرتے ہوئے کلیش کِٹ استعمال کرتی ہے۔

مزید پڑھیں:راشد نسیم مارشل آرٹس اکیڈمی گنیز ورلڈ ریکارڈ کی سنچری بنانے والی دنیا کی پہلی اکیڈمی بن گئی

دوسری جانب پاکستان کرکٹ بورڈ پی سی بی نے پاکستان اور انگلینڈ کے درمیان ٹی ٹوئنٹی سیریز کے پہلے میچ کیلئے خصوصی کٹ بھی ڈیزائن کی ہے اور اس خصوصی کِٹ میں ڈیزائن کو استعمال کرتے ہوئے سیلاب زدگان کو خراج تحسین پیش کیا گیا ہے۔