گوگل نیوز پر ہمیں فالو کریںکراچی: سندھ کے لاڑکانہ ڈویژن اور منسلک اضلاع میں ایچ آئی وی کے سدباب کیلئے غیر قانونی لیبارٹریز، بلڈ بینکس اور اتائیوں کے خلاف کارروائی شروع کردی گئی ہے۔
تفصیلات کے مطابق محکمۂ صحت نے لاڑکانہ اور ملحقہ اضلاع میں ایچ آئی وی کے بغے کیسز سامنے آنے کے بعد لاڑکانہ سے ایچ آئی وی کے دیگر علاقوں میں پھیلاؤ کو روکنے کیلئے اقدامات اٹھانے کا فیصلہ کیا۔
اونچی ہیل کینسر کا سبب بھی بن سکتی ہے، رپورٹ
محکمۂ صحت نے ایچ آئی وی کے خلاف ڈسٹرکٹ ہیلتھ آفس میں ایچ آئی وی سیل کے قیام کا فیصلہ بھی کر لیا۔ ڈی جی ہیلتھ سندھ نے کہا کہ ہم لاڑکانہ میں اتائیوں کے خلاف پوری قوت سے ایکشن کا فیصلہ کرچکے ہیں۔
ڈی جی ہیلتھ نے کہا کہ اس ضمن میں غیر قانونی لیبارٹریز اور بلڈ بینکس کو بھی بند کرنے کا فیصلہ کر لیا ہے۔ ایچ آئی وی روکنے کیلئے ہیلتھ کیئر کمیشن اور بلڈ ٹرانسفیوژن اتھارٹی اقدامات اٹھائیں۔ اس کیلئے قانون نافذ کرنے والے اداروں سے بھی مدد لی جائے گی۔
انہوں نے کہا کہ عالمی ادارۂ صحت، یو این ایڈز اور یونیسیف سے بھی ایچ آئی وی کی روک تھام کیلئے معاونت طلب کی گئی ہے۔ فیصلہ کیا گیا ہے کہ لاڑکانہ ڈویژن میں تمام حاملہ خواتین کی ایچ آئی وی اسکریننگ کروائی جائے۔
