شوہر بیرون ملک چلا گیا، بیوی نے سسرالیوں کے نارواسلوک سے تنگ آکر خودکشی کرلی

گوجرانوالہ:خاوند کی بے رخی اور سسرالیوں کے ناروا سلوک پر 3 بچوں کی ماں نے پنکھے سے لٹک کر خودکشی کرلی،متوفیا نے خودکشی سے قبل ویڈیو بنائی، تیز دھار آلات دکھائے،ویڈیو وائرل ہوگئی۔

ذرائع کے مطابق نورین نامی خاتون نے چھ سال قبل کوٹلی لوہاراں کے رمضان عرف عرفان کیساتھ پسند کی شادی کرلی تھی۔خاوند بیرون ملک دبئی میں روز گار کے سلسلہ میں مقیم ہے۔نورین کے سسرالیوں کا رویہ اچھا نہ تھا۔

مزید پڑھیں:اسکول کی محبت، پسند کی شادی کے 10 ماہ بعد شوہر نے نوعمر بیوی کا گلا کاٹ دیا

نورین اکثر اپنے گھر والوں کو شکایات کرتی کہ اس کا سسر محمد طفیل،ساس رضیہ طفیل دیور عمران طفیل چھوٹی چھوٹی باتوں پر تشدد کرتے ہیں۔سسرال والے میری شادی سے خوش نہیں ہے۔خاوند بھی نوٹس نہیں لیتا۔

گزشتہ دنوں بھی سسرالیوں سے توں تکرار کے بعد نورین نے اپنے کمرہ میں جاکر پہلے پنکھے کے اوپر دوپٹے کا پھنداا ڈالا پھر ویڈیو فلم بنائی۔پھر زندگی کا خاتمہ کرلیا۔

متوفیا کے تایا زاد بھائی محمد طلحہ نے الزام لگایا کہ اس کی بہن کو سسرالیوں نے پہلے تشدد کا نشانہ بنایا اور پھر ڈرامہ رچانے کےلئے پھنداا لگا کر پنکھے سے لٹکا دیا۔پولیس نے قتل کا مقدمہ درج کرکے تفتیش شروع کردی ہے۔