گوگل نیوز پر ہمیں فالو کریںشہر قائد میں طویل گرمی کے بعد دسمبر کے مہینے میں سردی شروع ہوگئی، کراچی میں درجہ حرارت 11 ڈگری سینٹی گریڈ تک گر گیا ہے۔
محکمہ موسمیات کے مطابق نمی کی سطح 36 فیصد اور شمال مشرقی ہوائیں آٹھ کلومیٹر فی گھنٹہ کی رفتار سے چل رہی ہیں، کراچی میں کم سے کم درجہ حرارت 10 سے 12 ڈگری سینٹی گریڈ کے درمیان رہنے کا امکان ہے۔
درجہ حرارت میں یہ کمی گزشتہ ہفتے محکمہ موسمیات کی جانب سے سندھ کو متاثر کرنے والی “ہلکی سردی کی لہر” کے بارے میں ایک انتباہ کے بعد ہے جس میں رات کے وقت درجہ حرارت 7 اور 9 ڈگری سینٹی گریڈ کے درمیان گرنے کی پیش گوئی کی گئی ہے۔
برطانیہ میں طوفان نے تباہی مچادی، 96 میل فی گھنٹہ کی رفتار سے ہوائیں
کراچی واحد شہر نہیں ہے جو بدلتے ہوئے موسمی حالات کا سامنا کر رہا ہے۔ صوبے میں جاری سردی کی لہر کے باعث بلوچستان کے مختلف علاقوں میں بھی درجہ حرارت صفر سے نیچے چلا گیا ہے۔
صوبائی دارالحکومت کوئٹہ میں کم سے کم درجہ حرارت منفی 4 ڈگری سینٹی گریڈ ریکارڈ کیا گیا جبکہ قلات میں اس سے بھی زیادہ سردی منفی 6 ڈگری سینٹی گریڈ ریکارڈ کی گئی۔
کم درجہ حرارت والے دیگر علاقوں میں نوکنڈی صفر، گوادر 7، اور سبی 9 ڈگری شامل ہیں۔زیارت میں ٹھنڈی ہواؤں، پانی جمنے اور گیس کی بندش کی وجہ سے مکینوں کو مشکلات کا سامنا ہے۔
