لاہور: وزیراعلیٰ پنجاب پرویز الٰہی نے کہا کہ عمران خان نے مسلم لیگ (ق) کو پنجاب حکومت سونپی ہے اور سابق وزیراعظم کی ہدایت پر صوبائی اسمبلی کو تحلیل کرنے میں ایک منٹ سے زیادہ وقت نہیں لگے گا۔
ویڈیو پیغام میں وزیراعلیٰ پنجاب کا کہنا تھا کہ ہم وہ لوگ ہیں جن کے ساتھ چلتے ہیں انہیں نہیں چھوڑیں گے۔
پنجاب حکومت عمران خان کی امانت ہے۔ ہم وضع دار لوگ ہیں جس کے ساتھ چلتے ہیں اس کا ساتھ نہیں چھوڑتے۔ اسمبلیوں سے جب استعفے دئیے تو شہباز شریف کی 27 کلومیٹر کی حکومت 27 گھنٹے بھی نہیں چل سکے گی۔ عمران خان اسمبلیاں تو ڑنے کا کہیں گے تو ایک منٹ کی دیر نہیں ہوگی۔ #ImranKhan #Punjab pic.twitter.com/xHDHATucxJ
— Ch Parvez Elahi (@ChParvezElahi) November 27, 2022
انہوں نے کہا کہ پنجاب حکومت عمران خان کی حکومت ہے، جب سابق وزیراعظم ان سے کہیں گے تو اسمبلی تحلیل کرنے کے لئے سوچیں گے نہیں بلکہ فوراً تحلیل کردیں گے۔
پرویز الٰہی نے کہا کہ صوبائی اسمبلیاں تحلیل کرنے کے اقدام سے عمران خان کی سیاسی حکمت عملی فیصلہ کن دور میں داخل ہو گئی ہے۔
مزید پڑھیں:اسلام آباد، سینیٹر اعظم سواتی 2 روزہ جسمانی ریمانڈ پر ایف آئی اے کے حوالے
پرویز الٰہی نے کہا کہ اگر ہم اسمبلیوں سے مستعفی ہوگئے تو وزیر اعظم شہباز شریف کی مرکز میں 27 کلومیٹر پھیلی ہوئی حکومت 27 گھنٹے بھی نہیں چل سکے گی۔