گوگل نیوز پر ہمیں فالو کریںاسلام آباد: پاکستان تحریک انصاف کی رہنما یاسمین راشد نے کہا ہے کہ چیئرمین پی ٹی آئی عمران خان کی رہائی تک ہم پُرامن احتجاج کو جاری رکھیں گے۔
ایک بیان میں یاسمین راشد نے کہا کہ گلو بٹوں سے پرہیز کیجیے گا کیونکہ گلوبٹ غلط کام کرتے ہیں، میری اس دن کی ویڈیو بھی ہے جب میں مائیکروفون پر لوگوں کو منع کررہی تھی۔
احتجاج ہر شہری کا حق، جانوں کا ضیاع افسوسناک ہے۔صدرِ مملکت
یاسمین راشد نے کہا کہ یہ تمہارے گلوبٹ تھے تم نے پولیس والے بھیج کر انتشار پھیلایا، احتجاج ہمارا جمہوری حق ہے اور پر امن احتجاج جاری رکھیں گے، ہم اس وقت تک پرامن احتجاج کریں گے جب تک عمران خان رہا نہیں ہوتے۔
ان کا کہنا تھا کہ پاکستان جمہوریت چاہتاہے اور پاکستان آئین کی پاسداری چاہتا ہے۔
دوسری جانب پاکستان تحریک انصاف کے رہنماؤں کو پناہ دینے کے جرم میں وزیراعلیٰ گلگت بلتستان خالد خورشید کو اسلام آباد میں نظربند کردیا گیا اور گلگت بلتستان ہاؤس کے باہر پولیس اور رینجرز کی نفری تعینات کردی گئی۔ ذرائع کے مطابق گلگت بلتستان ہاؤس کو سب جیل قرار دے دیا گیا ہے۔
