گوگل نیوز پر ہمیں فالو کریںنیوزی لینڈ کیخلاف دوسرے ون ڈے میچ میں ریویو درست ثابت ہونے پر پاکستان کرکٹ ٹیم کے کپتان بابر اعظم کا ردعمل سوشل میڈیا پر وائرل ہوگیا ہے۔
میچ کے 47 ویں اوور میں فاسٹ بولر حارث رؤف کی گیند نیوزی لینڈ کے کپتان ٹام لیتھم نے کھیلنے کی کوشش کی تاہم گیند بیٹ کو قریب سے چھوتے ہوئے وکٹ کیپر محمد رضوان کے گلوز میں گئی۔
امپائر نے ناٹ آؤٹ قرار دیا جس پر کپتان بابر اعظم نے ریویو لے لیا۔ ریویو میں فیصلہ پاکستان کے حق میں آیا اور اس موقع پر کپتان بابر اعظم کی خوشی دیدنی تھی۔ ان کے چہرے کے تاثرات پر مبنی ویڈیو سوشل میڈیا پر وائرل ہوگئی ہے جسے شائقین کرکٹ خوب پسند کر رہے ہیں۔
View this post on Instagram
بابر کا ردعمل دیکھ کر معلوم ہوتا ہے کہ انہیں بھی توقع نہیں تھی کہ ریویو کا فیصلہ پاکستان کے حق میں آجائے گا۔
ٹام لیتھم اس وقت 98 پر بیٹنگ کر رہے تھے اور وہ اپنی سنچری مکمل نہ کرسکے۔
