گوگل نیوز پر ہمیں فالو کریںپاکستانی شوبز انڈسٹری کی معروف اداکارہ ماہرہ خان نے اپنے قریبی دوست سلیم کریم سے شادی کرلی۔
اداکارہ کے مینیجر انوشے طلحہ خان نے ان کی شادی کے دن کی ویڈیو انسٹاگرام پر شیئر کی ہے جو فوری طور پر وائرل ہوگئی۔
View this post on Instagram
سوشل میڈیا پر وائرل ویڈیو میں دیکھا جاسکتا ہے کہ اداکارہ سفید رنگ کے ایک مہنگے لہنگے میں ملبوس ہیں اور وہ دولہے کی طرف چل کر جاتی ہیں جبکہ سلیم نے سیاہ شیروانی زیب تن کی ہوئی ہے۔
سلیم کریم کون ہیں؟
سلیم کریم سٹارٹ اپ کمپنی ’سِم پیسہ‘ کے چیف ایگزیکٹو آفیسرہیں، ان کی یہ اسٹارٹ اپ کمپنی لوگوں کو سم کارڈز کے ذریعے براہ راست ادائیگیاں کرنے کی سہولت فراہم کرتے ہوئے مالی لین دین کو آسان بناتی ہے۔ سِم پیسہ 15 سے زیادہ ممالک میں مختلف شعبوں کے تاجروں کو سہولت فراہم کرتی ہے۔
سلیم کریم کراچی میں اپنے خاندان کے ساتھ رہتے ہیںا، انہوں نے 2005 میں یونیورسٹی آف ویسٹرن اونٹاریو سے معاشیات میں بیچلرز ڈگری حاصل کی۔ اپنا کاروبار شروع کرنے سے پہلے وہ 9 سال تک ایک اطالوی کمپنی سے منسلک رہے جس کے بعد وہ گلیکسو سمتھ کلین میں بطور برانڈ منیجر شامل ہوئے۔
دونوں کب سے ایک دوسرے کیساتھ تعلق میں ہیں؟
ماہرہ اور سلیم 2017 میں ٹیپ میڈ نامی ٹیلی ویژن ایپلی کیشن کے لانچ کے موقع پرپہلی بارایک دوسرے سے ملے تھے۔
ڈسپیچ نیوزڈیسک کی ایک رپورٹ کے مطابق اداکارہ نے 2019 میں ترکی میں سلیم کریم کے ساتھ منگنی کی تھی۔
اس کے علاوہ ماہرہ خان نے سلیم کریم کے ہمراہ اپنے انسٹاگرام اکاؤنٹ پر ایک تصویر بھی شیئر کی تھی اور انھیں ایک دفعہ پارٹی میں ساتھ میں رقص کرتے ہوئے بھی دیکھا گیا تھا۔
ماہرہ خان کی سابقہ شادی
ماہرہ خان نے پہلی شادی 2007 میں علی عسکری سے کی تھی، جن سے انہیں بیٹا اذلان بھی ہے۔اُن کی پہلی شادی تقریبا 8 سال بعد 2015 میں طلاق پر ختم ہوئی تھی ۔
