واٹس ایپ نے ایک اور فیچر پر کام کرنا شروع کردیا

دنیا بھر میں زیادہ تر لوگ بات چیت کرنے کیلئے واٹس ایپ کا استعمال کرتے ہیں یہی وجہ ہے کہ واٹس ایپ اپنے صارفین کی سہولت کیلئے اکثراوقات اپنے فیچرز میں تبدیلی کرتا رہتا ہے۔

غیر ملکی میڈیا کے مطابق واٹس ایپ نے اپنے صارفین کی سہولت کیلئے دو GB سے بڑے ڈیٹا یا فائلوں کو ایک فون سے دوسرے فون منتقل کرنے کے فیچر پر آزمائش شروع کر دی ہے ان میں ویڈیو، دستاویزات اور بہت ہی تفصیلی تصاویر بھی ہوسکتی ہیں عموماً کارپوریٹ اور میڈیا ہاؤسز میں اس کی کمی شدت سے محسوس کی جارہی تھی کیو نکہ اس سے قبل واٹس ایپ پر دو GB سے بڑی فائلوں کو بھیجنا ممکن نہ تھا۔

یہ بھی پڑھیں:گوگل کا صارفین کے لئے زبردست تحفہ، نیا فیچر متعارف

یہ سہولت ابھی امریکا اور یورپ کے کچھ بیٹا صارفین کو دی گئی ہے جس میں وہ بیٹا ٹیسٹنگ کے ذریعے دو GB کی فائلوں کو ایک فون سے دوسرے فون بھیج سکتے ہیں۔

خیال ریے کہ واٹس ایپ کی یہ ایک بہت ہی اہم پیش رفت ہے اس میں ویڈیوز، وائس مسیجزاور دستاویزات بھی ہوسکتی ہیں تاہم اس کی ٹیسٹنگ بیک وقت اینڈرائید اور آئی او ایس دونوں سافٹ ویئر پر شروع کی گئی ہے۔

یاد رہے کہ اس سے قبل واٹس ایپ پر 100 ایم بی کی فائل ہی بھیجی جاسکتی تھی تاہم اب اس فیچر کے بعد بڑی فائل واٹس ایپ کے ذریعے سے بھیجی جاسکیں گی۔