گوگل نیوز پر ہمیں فالو کریںسان فرانسسکو: انٹرنیٹ کے ذریعے پیغام رسانی کی ایپلیکیشن واٹس ایپ نے نیا فیچر متعارف کرادیا جس کے تحت تصاویر اور ویڈیوز ایک بار دیکھنے کے بعد غائب ہوجایا کریں گی۔
تفصیلات کے مطابق واٹس ایپ کے کروڑوں صارفین دنیا بھر میں پھیلے ہوئے ہیں، موبائل ایپ کا دعویٰ ہے کہ ان کے صارفین کی تعداد 200 کروڑ سے زائد ہے جنہیں ہر لمحہ مختلف ضروریات کیلئے نئے فیچرز کا انتظار رہتا ہے۔
سماجی رابطے کی ویب سائٹ ٹوئٹر پر آج سے 2 روز قبل واٹس ایپ نے اعلان کیا کہ صارفین اب ایسی تصاویر اور ویڈیوز بھیج سکیں گے جو ایک بار دیکھ لیے جانے کے بعد غائب ہوجایا کریں گی۔ یہ صارفین کیلئے ایک نئی سہولت ہے۔
New feature alert!
You can now send photos and videos that disappear after they’ve been opened via View Once on WhatsApp, giving you more control over your chats privacy! pic.twitter.com/Ig5BWbX1Ow
— WhatsApp (@WhatsApp) August 3, 2021
قبل ازیں مارچ کےدوران واٹس ایپ کی طرف سے اعلان کیا گیا کہ پیغامات از خود غائب ہوجایا کریں گے اور کوئی بھی صارف 7 روز سے زائد تک اپنے پرانے پیغام کو نہیں دیکھ سکے گا۔ ٹیکسٹ میسیجز از خود غائب ہوجائیں گے۔
واٹس ایپ کا نیا فیچر اسنیپ چیٹ کی طرز پر کام کرتا ہے جس کے تحت واٹس ایپ کے پیغامات موبائل گیلری میں محفوظ نہیں ہوسکیں گے بلکہ ایک بار دیکھ لیے جانے کے بعد غائب ہوجائیں گے۔
اس حوالے سے واٹس ایپ انتظامیہ کا کہنا ہے کہ یہ فیچر ایپ استعمال کرنےوالے صارفین کی بھیجی گئی حساس معلومات کو تحفظ فراہم کرانے کیلئے متعارف کرایا گیا ہے جو رواں ہفتے کے اختتام تک دنیا بھر میں دستیاب ہوگا۔
یہ بھی پڑھیں: ماہرینِ فلکیات نے سب سے بڑا دمدار ستارہ ڈھونڈ نکالا
