کرپٹو کرنسی کا شریعت میں کیا حکم ہے؟

سوال

 کرپٹو کرنسی میں پیسے لگانا حلال ہے یا حرام؟ اسلام میں اس کی کیا حیثیت ہے؟

جواب

کرپٹو کرنسی میں پیسے لگانا ناجائز ہے۔

تجارت کے مسائل کاانسائیکلوپیڈیا میں ہے :

’’بٹ کوائن‘‘  محض ایک فرضی کرنسی ہے، اس میں حقیقی کرنسی کے بنیادی اوصاف اور شرائط بالکل موجود نہیں ہیں، لہذا موجودہ  زمانے میں   ” کوئن” یا   “ڈیجیٹل کرنسی”  کی خرید و فروخت کے نام سے انٹرنیٹ پر اور الیکٹرونک مارکیٹ میں جو کاروبار چل رہا ہے وہ حلال اور جائز نہیں ہے، وہ محض دھوکا ہے، اس میں حقیقت میں کوئی مادی چیز نہیں ہوتی، اور اس میں قبضہ بھی نہیں ہوتا صرف اکاؤنٹ میں کچھ عدد آجاتے ہیں، اور یہ فاریکس ٹریڈنگ کی طرح سود اور جوے کی ایک شکل ہے، اس لیے   ” بٹ کوائن” یا کسی بھی   ” ڈیجیٹل کرنسی” کے نام نہاد کاروبار میں پیسے لگانا اور خرید و فروخت میں شامل ہونا جائز نہیں ہے۔(2/ 92)

فقط واللہ اعلم

رائے: دار الافتاء بنوری ٹاؤن کراچی