گوگل نیوز پر ہمیں فالو کریںپاکستانی شوبز انڈسٹری کی ابھرتی ہوئی اداکارہ و ماڈل حفصہ بٹ نے حالیہ پوڈکاسٹ میں اپنے ہونے والے شوہر سے متعلق اپنی توقعات کا اظہار کیا ہے۔
اداکارہ نے اس موقع پر تعلیم، کیریئر کے انتخاب اور جلدی شادی کرنے سمیت انڈسٹری کے حوالے سے بھی گفتگو کی۔
حفصہ بٹ نے اپنے ہونے والے شوہر میں پائی جانے والی خصوصیات کے حوالے سے کہا کہ ان کا سب سے پہلا مطالبہ یہ ہے کہ وہ شخص شراب پینے کا عادی نہ ہو، گھر بنانے والی خصوصیت کے ساتھ اپنے کام پر توجہ دینے والا انسان ہو۔
اداکارہ نے اپنی بات کی وضاحت کرتے ہوئے کہا کہ انہوں نے مشاہدہ کیا ہے کہ اب زیادہ تر مرد شراب پیتے ہیں جس سے ان کی فیملی متاثر ہوتی ہے۔
انہوں نے مزید کہا کہ ہونے والا شوہر پڑھا لکھا ہونے کے ساتھ ساتھ معاشی طور پر بھی مضبوط ہونا چاہیے اور وہ اپنے شوہر کے ساتھ نارمل زندگی گزارنا چاہتی ہیں۔
