گوگل نیوز پر ہمیں فالو کریںناظرین کے لیے ایک پرُاسرار اور جذباتی کہانی پر مبنی نئی سیریز وی ور لائیرز کی تمام آٹھ اقساط اب آن لائن دستیاب ہیں اور لگتا ہے کہ یہ جلد ہی شائقین کی پسندیدہ فہرست میں شامل ہونے والی ہے۔
یہ آٹھ حصوں پر مشتمل سیریز ایک مشہور ناول پر مبنی ہے جو کیڈنس سنکلیئر ایسٹ مین نامی ایک نوجوان لڑکی کی کہانی بیان کرتی ہے۔ کیڈنس ایک خوشحال اور بااثر خاندان سے تعلق رکھتی ہے اور ہر گرمیوں کی چھٹیاں اپنے خاندان کے ساتھ ایک ذاتی جزیرے پر گزارتی ہے۔
اس کے ہمراہ اس کے کزن جونی، میرن اور ایک قریبی دوست گیٹ ہوتے ہیں۔ یہ چاروں خود کو ’’لائیرز‘‘ یعنی جھوٹے کہتے ہیں۔
کہانی اس وقت نیا رُخ اختیار کرتی ہے جب کیڈنس کو ایک حادثے کے بعد یادداشت کا مسئلہ ہو جاتا ہے۔
ایک سال بعد جب وہ دوبارہ اسی جزیرے پر واپس آتی ہے تو اس کی کوشش ہوتی ہے کہ وہ اس حادثے کی اصل حقیقت کو جان سکے لیکن سچ سامنے آ کر اس کی پوری زندگی کی حقیقتوں کو چیلنج کرنے لگتا ہے۔
سیریز کے تعارفی بیان میں کہا گیا ہے کہ “ایک سال بعد ایک پرُاسرار حادثے کے نتیجے میں یادداشتسے محروم ہو جانے والی سترہ سالہ کیڈنس بیچ ووڈ نامی جزیرے پر واپس آتی ہے۔
تین نسلوں پر مشتمل سنکلیئر خاندان کا یہ ذاتی تفریحی مقام اب بھی خاموش ہے۔ حادثے پر کوئی بات کرنے کو تیار نہیں نہ اس کے بچپن کے دوست ’’لائیرز‘‘ اور نہ ہی اس کی پہلی محبت گیٹ۔ اب کیڈنس کو سچائی خود تلاش کرنی ہے۔”
اصل ناول پہلی بار 2014 میں شائع ہوا تھا اور جلد ہی مشہور ترین فہرستوں میں جگہ بنائی۔ بعد ازاں اسے ایک سیریز میں ڈھالنے کی منظوری دی گئی۔
اس ڈرامے کی خالق جنہوں نے ماضی میں ایک معروف نوجوانوں کی سیریز پر کام کیا ہے، کا کہنا ہے کہ “وی ور لائیرز” کو ناول کے مداح بے حد پسند کریں گے۔ ان کے مطابق اس کہانی کو کئی پرتوں میں اس طرح دکھایا گیا ہے کہ ہر بالغ کردار کو گہرائی اور پیچیدگی کے ساتھ نمایاں کیا گیا ہے۔
وی ور لائیرز ایمازون پرائم پر اب مکمل طور پر آن لائن دستیاب ہے ، ایک جذباتی، پرُاسرار اور ذہنی الجھن سے بھرپور کہانی، جو ناظرین کو آخر تک اپنے سحر میں جکڑے رکھتی ہے۔
