گوگل نیوز پر ہمیں فالو کریںاسلام آباد: وفاقی وزیر برائے اقتصادی امور حماد اظہر نے کہا ہے کہ سخت لاک ڈاؤن نہ کرنا حکومت کا دانشمندانہ فیصلہ ہے جس کے نتیجے میں ملک ناقابلِ تلافی نقصان سے بچ گیا۔
سماجی رابطے کی ویب سائٹ ٹوئٹر پر اپنے پیغام میں وزیرِ اقتصادی امور حماد اظہر نے عوام سے سوال کیا کہ کیا آپ کو یاد ہے جب ہمیں کورونا وائرس سے چھپنے کیلئے رضائی اوڑھنے اور سخت لاک ڈاؤن کرنے کیلئے باآوازِ بلند ہدایات جاری کی جارہی تھیں؟
وفاقی وزیر حماد اظہر نے کہا کہ اگر ہم سخت لاک ڈاؤن کا فیصلہ کرتے تو ملکی معیشت کو ناقابلِ تلافی نقصان پہنچتا جس کا نتیجہ یہ نکلتا کہ پاکستان جیسا ترقی پذیر ملک غربت اور بھوک افلاس کا شکار ہوجاتا۔ ہم نے دانشمندانہ راستے کا انتخاب کیا اور نقصانات کو بے حد کم کر لیا گیا۔
Remember when there were loud calls for a blanket and indefinite lockdown? That would have caused irreversible damage to the economy and led to hunger and poverty in a developing country like ours. We chose the wiser path and minimised the damage. pic.twitter.com/nvIE7QxFDh
— Hammad Azhar (@Hammad_Azhar) July 18, 2020
یاد رہے کہ اس سے قبل وفاقی وزیر حماد اظہر نے کہا کہ پاکستان کے پاس معیشت کا پہیہ چلانے کے سوا اور کوئی آپشن نہیں، کیونکہ ہم مکمل لاک لاؤن نہیں کرسکتے۔
وزیرِ اقتصادی امور نے گزشتہ ماہ بیان جاری کرتے ہوئے کہا کہ اگر کورونا نہ ہوتا تو ہمیں یقین تھا کہ ہم 4 ہزار 800 ارب رواں مالی سال میں حاصل کر لیں گے۔
مزید پڑھیں: معیشت کا پہیہ چلانے کے سوا اور کوئی آپشن نہیں، حماد اظہر
