گوگل نیوز پر ہمیں فالو کریںکراچی:فاسٹ بولر حارث رؤف کو مستقل کھلانے پر قومی ٹیم کے سابق کپتان وسیم اکرم کا رد عمل سامنے آگیا۔
سوئنگ کے سلطان نے کہا کہ اتنے زیادہ میچز کھلا کر حارث رؤف کو توڑنا ہے؟ وسیم اکرم کا کہنا تھا کہ اتنی گرمی میں سارا ایشیا کپ کھیلا، پھر انگلینڈ کے خلاف سیریز میں کراچی میں ان سے سارے میچز کھلوائے گئے، انہوں نے کہا کہ انھیں بریک کی ضرورت ہے، ورلڈکپ تک آپ کے بولرز میں جان رہنا بھی ضروری ہے۔
وسیم اکرم نے کہا کہ اسکواڈ میں جو بھی بولرہے آپ کو اس کو کھلانا ہوگا کیوں کہ یہ روٹیشن ضروری ہے۔ مستقل بنیادوں پر حارث کو کھلانا اسے توڑنے کے مترادف ہوگا۔
مزید پڑھیں:قذافی اسٹیڈیم لاہور میں پاکستان نے 15 میں سے 9 ٹی 20میچ جیتے۔رپورٹ
سابق کپتان نے کہا کہ ٹی ٹوئنٹی میچ میں کھلاڑی کو ہر اوور میں بھاگنا ہوتا ہے، بیٹنگ میں فیصلے جلدی لیے جاتے ہیں یہ بہت تیز گیم ہے لہٰذا کھلاڑیوں کی روٹیشن بہت ضروری ہے۔انہوں نے کہا کہ مینجمنٹ کو اس سارے معاملے کو دیکھنا چاہئے۔
