وسیم اکرم نیشنل اسٹیڈیم خالی دیکھ کر غمزدہ، وجوہات کی تلاش شروع

کراچی: قومی ٹیم کے سابق کپتان اور کرکٹ کمنٹیٹر گزشتہ روز پاکستان اور ویسٹ انڈیز کے پہلے ٹی 20 میچ کے دوران نیشنل اسٹیڈیم خالی دیکھ کر غمزدہ ہوگئے ہیں۔ وسیم اکرم نے اسٹیڈیم خالی ہونے کی وجوہات تلاش کرنا شروع کردیں۔

سماجی رابطے کی ویب سائٹ ٹوئٹر پر اپنے پیغام میں سابق کپتان وسیم اکرم نے کہا کہ میں نے پاکستان اور ویسٹ انڈیز کے مابین پہلا ٹی 20کرکٹ میچ دیکھا اور اس کے دوران کراچی کے نیشنل اسٹیڈیم کو خالی دیکھ کر ناقابلِ یقین حد تک دکھ ہوا۔

یہ بھی پڑھیں:

پاکستانی ٹیم کے سابق ڈاکٹر نے وسیم اکرم پر بیان دیکر نیا پنڈورہ بکس کھول دیا

وسیم اکرم بھی فاسٹ بولر حسن علی کی حمایت میں بول پڑے

ٹوئٹر پیغام میں سابق کپتان وسیم اکرم نے کہا کہ خاص طورپر گزشتہ ماہ کے دوران پاکستانی کرکٹ ٹیم کی کارکردگی شاندار رہی ہے۔ مجھے یقین ہے کہ میں اس کی وجہ جانتا ہوں لیکن میں سوشل میڈیا صارفین سے بھی جاننا چاہتا ہوں۔

Incredibly sad to see an empty stadium in Karachi for the #PAKvWIt20 especially after the performance of Pakistan Team in the last month. I’m pretty sure I know why but I want to hear from you! Tell me, where is the crowd and why??

— Wasim Akram (@wasimakramlive) December 14, 2021

سابق کپتان وسیم اکرم نے ویسٹ انڈیز کے خلاف پاکستان کے پہلے ٹی 20 میچ کے دوران اسٹیڈیم خالی ہونے کی وجوہات جاننے کیلئے کہا کہ مجھے بتائیے کہ نیشنل کرکٹ اسٹیڈیم کل کیوں خالی تھا؟ گراؤنڈ میں آنے والے تماشائی کہاں گئے؟

خیال رہے کہ اس سے قبل قومی کرکٹ ٹیم کے سابق کپتان وسیم اکرم کو کرکٹ کے میدان میں ان کی خدمات کے اعتراف میں دبئی کا گولڈن ویزہ جاری کیا گیا جس پر وسیم اکرم نے خوشی کا اظہار کرتے ہوئے دبئی حکومت کا شکریہ ادا کیا۔ 

فوٹو شیئرنگ کی سب سے بڑی ویب سائٹ فیس بک پر اپنے پیغام میں سوئنگ کے سلطان وسیم اکرم نے کہا کہ دبئی حکومت کی طرف سے گولڈن ویزے کا اجراء میرے لیے اعزاز کی بات ہے۔ دبئی کاروبار اور چھٹیاں منانے کیلئے بہترین مقام ہے۔